Read gitonga Dzindzimo 57 Bible Online

Dzindzimo 57 - gitonga bible

Dzindzimo 57

¹Ga muthangeli nya tsawa nya vaembeleli. Khu maembelo nya ndzimo yi gu, khiyo: “U nga pfhungumuli.” Ndzimo ya Dhavhidhe gikhati a nga bani a gu thava Sawule, a sihala phagoni Nyi pwele wusiwana Nungungulu, nyi pwele wuhindzi, hefemulo wangu wu ngu thavela avbo gwago; nyi na sihala mutsani nya dzimbapi dzago, kala si vbindra sigaradzo.

²Nyi na rana Nungungulu a Khusegidego ngudzu, nyi rana Nungungulu a nyi phasago satshavbo.

³Uye khu ndzadzini a ngu nyi rumela giphaso gyaye a nyi vbulugisa; fenengedza khu dzitshoni avo va nyi bayisago. Rumela wuhindzi ni gutumbega gwago.

⁴Nyi randredwe khu valala va fananago ni dzinghala, va vbweta gu nyi hodza; magwaha yawe kha nga matshari ni siholoma, malimi yawe gukhwatshi migala nya gulodzwe.

⁵Nungungulu, wonegisa wugulu wago ndzadzini; wudhumo wago wu na fenengedze litigo latshavbo.

⁶Valala vangu va nyi riyede naphwi khavo va na nyi mola; va kembide liphala ndzilani gwangu, aholu va thegede umo avo vamune.

⁷Nungungulu wangu, nyi tiyide hwambo, monyo wangu wu ngu gola gu thula ndzimo nyi embelela rungudzo.

⁸Khendzuga, uwe hefemulo wangu! Gitendre ni hwambi, wugani! Nya gu vbweta gu wusa Wuronga.

⁹Uwe Mune wangu, nyi na gu bonga vbakari nya mayigo; nyi na embelela dzindzimo nyi Gu dhumisa vbakari nya vathu nya mafumbu ni mafumbu.

¹⁰Kholu lihaladzo lago likhongolo li vbohago kala ndzadzini, gutumbega gwago gu khongolo gu vbohago kala mapfhini.

¹¹Nungungulu, wonegisa wugulu wago ndzadzini; Wudhumo wago wu na fenengedze litigo latshavbo.