Read gitonga Dzindzimo 64 Bible Online

Dzindzimo 64 - gitonga bible

Dzindzimo 64

¹Ga muthangeli nya tsawa nya vaembeleli. Ndzimo ya Dhavhidhe Yingisa, uwe Nungungulu, lito nya gulile gwangu; sayisa womi wangu ga nala yoyu a nyi thavisago.

²Nyi vbulugise ga makungo nya guvivbe ni ga vathu va girago guvivba,

³Va gu lodza lidimi gu fanana ni litshari va khwandra magana nya guvivbe kha nga siholoma,

⁴ gasi va sihala, va hekha muthu nya gululame; va gu simama gu mu hekha nyamba thava gilo.

⁵Va dzi yisa makungoni nya guvivbe; va gira khu mugusihalani gikungo nya gudembe milaphwi; khavo: “Khu mani a na si wonago?”

⁶Va gu alakanyela mano nya guvivbe, khavo: “Hi giride gikungo gi vbeledego; maalakanyo ni monyo nya muthu ni muthu si etide ngudzu!”

⁷Aholu Nungungulu a na va hekha khu sighalala; va na bayiswa khu githugedza.

⁸Va na tshunganiswa khu malimi yawe wurumba; vatshavbo va si wonago va na khiniga mihungo.

⁹Vathu vatshavbo va na thava, va huwelela mithumo ya Nungungulu, va pima esi a thumago.

¹⁰Muthu nya gululame a gu nengela ga PFHUMU Nungungulu, a vega gitumbo gwaye; va nya myonyo nya gululame, vatshavbo va na dzi zundza.