Read gitonga Dzindzimo 8 Bible Online

Dzindzimo 8 - gitonga bible

Dzindzimo 8

¹Ga muthangeli nya tsawa nya vaembeleli. Ndzimo ya Dhavhidhe Uwe PFHUMU Nungungulu wathu, lina lago li khusegide ngudzu mafuni gwatshavbo. Wufumu wago wa gu khusega vbatshani ngudzu guvbindra ndzadzini.

² Khu kanani nya sanana sidugwana ni esi sa beleni u thede tshivba, khu kotani ya valala vawe, si degudza ava va gu wugelago.

³Nya gu khedza ndzadzini nyi wona sigiro nya mandza yago: Ngima ni dzinyeledzi u si vegidego malangani yawe,

⁴ gasi ginani muthu nya gukala u mu alakanya? Gyanana nya muthu ginani nya gukala u dzi garadza khu gu gi thela kota?

⁵Aholu u mu wumbide, gu tshala vbadugwana basi gu hadza gu fanana ni Nungungulu. U mu ambagiside wufumu ni wuzundzo;

⁶ U mu ningide gu fumela mithumo ya mandza yago, U vegide silo satshavbo vbavbatshi nya migondro yaye:

⁷Dzinvuta ni dzimombe, mitshambi yatshavbo, ni sirengo nya likhabi gambe,

⁸sinyoni sa damboni ni dzindzandzi dza phwani, ni satshavbo si vbanyago linene.

⁹Uwe PFHUMU Nungungulu wathu, lina lago li khusegide ngudzu mafuni gwatshavbo!