Read gitonga Dzindzimo 81 Bible Online

Dzindzimo 81 - gitonga bible

Dzindzimo 81

¹Ga muthangeli nya tsawa nya vaembeleli. Ndzimo ya Asafi Embelelani hi tsakela Nungungulu wathu; mu womba mikulungwane hi tsakela Nungungulu wa Jakobe.

²Embani mu womba mitandrandra, embani dzindzimo nya gutsake khu gitendre ni gitoliyo.

³Wombani pundru nya buzo nya gumege nya ngima ni gudandra gwaye, a gu litshigu nya buzo wathu.

⁴Kholu oyu nayo ga va na Israyeli, guruma ga Nungungulu wa Jakobe.

⁵Uye vegide kha nga nayo ga Josefe, gikhati a dugidego guya dwana ni litigo la Egipito. Nyi ngupwa lito nyi si litigo li gu, khilo:

⁶“Eni nyi mi rude rwalo nya gulemele magatani gwanu, nyi giride esi gasi mu si lemedwi gambe mawogoni gwanu.

⁷ Na muri sigaradzoni mu di nyi rana, eni nyi di mu vbanyisa; Eni nyi di mi hakha khu vbakari nya phuvbo nya gingulu nyi nga sihalago umo. Nyi mi lingide vbafuvbi ni wulanga nya gibuga nya mati ya Meribha.

⁸Vathu vangu, yingisani milayo yangu, nyi di hadza gu tsaka nari gupwani wa gu nyi yingisa uwe Israyeli.

⁹ Mu nga khozeli vanungungulu nyamba vati, mu nga khozeli gimbe gilo vbavbandze ga Eni basi.

¹⁰Eni kheni PFHUMU Nungungulu wago, nyi nga gu dusago khu tigoni ga Egipito; tulani gwadi magana, nyi na mi hodzisa.

¹¹Aholu, vathu vangu kha va dzina gu nyipwa, Israyeli kha yeyedza gu khathala khu eni.

¹²Khu guralo, nyi di va diga va gira guhaladza gwawe, va landrisela gugola nya myonyo yawe.

¹³Nari pwani vathu vangu va ngu nyipwa, ni Israyeli a ngu landrisa dzindzila dzangu,

¹⁴na nyi gu khozisa valala vawe khu guvbiredza; na nyi gu veta valala vaye khu mandza yangu.

¹⁵Vale va vengago PFHUMU Nungungulu va di hadza gu khidzima migondroni gwangu, tsayiso wawe wi di hadza gu simama kala gupindruga.

¹⁶Nyi di vbweta gu mi ningani tirigu nya yadi, mu hodza mu khura khu wulombe nya gudugele giwindrini.”