Read gitonga Dzindzimo 87 Bible Online

Dzindzimo 87 - gitonga bible

Dzindzimo 87

¹Ndzimo ya sanana sa Kore. Ndzimo Pfhumu tsitside lidhoropa laye sigomoni nya guage.

²PFHUMU Nungungulu a ngu gola ngudzu dzinyangwa dza Siyoni, guvbindra dzinyumba dzatshavbo dza Jakobe.

³Uwe lidhoropa la Nungungulu, si ngu tsakisa iso vathu va ganelago, khu gu gu zundza.

⁴Vbakari nya vathu va nyitigo, nyi na saya Vagipiti ni Vabhabhiloni; vathu va Filisitiya, Tiro ni Vaetiyopiya va na nonedza Jerusalema, va ganela, khavo: Vatshavbo va velegedwe yoyo.

⁵Na va gu ganela khu lidhoropa la Siyoni va na ganela, khavo: “Oyu ni wule va velegedwe iyo;” uye a vbeledego Gukhugega khuye a li tiyisago.

⁶Avbo PFHUMU Nungungulu a na lova malina nya mayigo bhukuni, khuye: Oyu nuye a velegedwe iyoyo.

⁷Ni avo va embelelago ni gu hana, va na ndraga khu gutsaka, khavo: Sibuga sathu somo avbo gwago.