Read gitonga Dzindzimo 95 Bible Online

Dzindzimo 95 - gitonga bible

Dzindzimo 95

¹Deluni hita dhumisa PFHUMU Nungungulu, khu mikulungwane, hi na embelele hi rungudza Giwindri nya guvbanyiswe gwathu.

²Hi na hidzimele mbeli gwaye na hi gu bonga na hi gu embelela dzindzimo nya gutsake.

³Kholu Pfhumu khuye Nungungulu nya khongolo; a ngu fumela vanungungulu vatshavbo a va pala khu wugulu.

⁴Gueta gwatshavbo nya litigo gomo mandzani gwaye, gukhugela mikova nya guete ngudzu, kala ni sigomo nya gulaphe.

⁵Linene la gu lumba Uye, khuye a nga li gira; khu mandza yaye a wumbide litigo.

⁶Deluni hi ta khidzima hi lombelela PFHUMU Nungungulu. Kholu khuye muvangi wathu.

⁷Kholu Uye khuye Nungungulu wathu ethu hi vathu vaye, hi dzinvuta nya tshambi waye; muhuno mwa gupwa lito laye,

⁸ mu nga bangisi myonyo yanu, kha nga edzi va nga gira vababe vanu tigoni gwa Meribha litshigu lile nya masaha giwulani.

⁹ Avbo vababe vanu va nga nyi lingago va nyi gorosa, ambari va nga wonago mithumo yangu.

¹⁰Ndrani nya magumana myaga nyi di goroswa khu gitugulwana gegi, heni, kheni: “Ava vathu va vivbide myonyo, kha va landrisa ndzila yangu!”

¹¹ Nyi di goroga kala nyi sambanya, kheni: “Kha va na nga bela guhefemulani gwangu.”