Read gitonga Dzindzimo 98 Bible Online

Dzindzimo 98 - gitonga bible

Dzindzimo 98

¹Ndzimo Embani ga PFHUMU Nungungulu ndzimo nya yiphya, kholu uye a ngu gira sisamadziso! Uye pade khu tshivba nya libogo laye la nyamudye, khu gyandza gyaye nya gukatege pade mayigo.

²PFHUMU Nungungulu wonegiside guvbanyisa gwaye, wonegiside gulamula gwaye ga va nya mayigo.

³Alakanyide lihaladzo ni gutumbega gwaye ga ndranga ya Israyeli, dzitshokani nya litigo gu wonidwe guvbanyisa ga Nungungulu wathu.

⁴Wombani mikulungwane nya gunengele ga PFHUMU Nungungulu, enu dzitshokani dza mahegiso nya litigo, thulani dzindzimo mu embelela khu gutsaka mu Mu rungudza khu mikulungwane.

⁵Embelelani mu rungudza PFHUMU Nungungulu khu sitendre ni mihwambi, khu dzitshuli ni ligwaha nya dzindzimo;

⁶khu mipundru ni dzimbalapala, mu rungudza mbeli ga Nungungulu, a gu Pfhumu.

⁷Li na dzume linene ni satshavbo si guromo umo, litigo ni satshavbo si vbanyago umo;

⁸yi na phaphatele mitsongo, ni sigomo si na nengele khu gutsaka,

⁹mbeli ga PFHUMU Nungungulu, kholu uye a nguta ata lamula litigo, a na lamula litigo khu nayo, ni mahundzu khu gululama gwaye