Read gitonga Mavingu 2 Bible Online

Mavingu 2 - gitonga bible

Mavingu 2

¹Mwanangu, wa gu hakha magana yangu, u ma vegedza monyoni gwago, ni gu vegedza milayo yangu,

²u demba ndzeve yago u yingisa, u vbweta guti, monyo wago wu dzi ningedzela gupimisani,

³ni gudwanela guti ni gu pimisa khu monyo wago watshavbo;

⁴wa gu gu vbweta kha nga uye a vbwetago parata, ni gu dzi garadza nga uye a vbwetago thomba yi sihidwego,

⁵khavbo u na dzitigo gukhuwe ginani guthava PFHUMU Nungungulu gumogo ni gu Mu pima.

⁶Kholu PFHUMU Nungungulu khuye a ningago guti, guti ni gupimisa sa gu dugela khavbo Gwaye.

⁷Avo va lulamidego a gu va ninga makategwa, khuye gitshangu nya avo va gimbilago khu ndzila nya gululame,

⁸gasi a vegedza ndzila ya va nya gululama, a sayisa ndzila ya va nya gukatega.

⁹Khavbo avbo, u na guti gululama ni lisine, ni gu hevbula dzindzila dzatshavbo nya dzadi dzi vbwetegago.

¹⁰Kholu guti gu na bela monyoni gwago, ni wugengeli wu na tsakisa hefemulo wago.

¹¹Maalakanyo nya yadi ma na gu vhikela, gupimisa, gu na gu sayisa,

¹²gasi gu gu tshudzisa ndzilani nyamba yadi, ni ga vathu nya guganele sihonohono,

¹³vale va hambanago ni ndzila nya gululame, va gimbila khu ndzila nya gidema;

¹⁴va tsakiswago khu gu thuma silo nya guvivbe, va nengedziswago khu gu girela ndrwadza vakwawe;

¹⁵va gu gimbila khu dzindzila nya guwegele, va hambana ni ndzila nya lisine.

¹⁶Guti gu na gu vbulugisa ga nyamayi nya liphuphulu, ni oyu wa mambe mayigo, uye a sengedzelago khu magana yaye,

¹⁷a hambanidego ni mwama a dzegidwego khuye wumbirini waye, a divaledwa khu gidzumeledzwano a giridego mbeli ga Nungungulu waye.

¹⁸Kholu nyumba ya muthu yoyo ya gu wegelela gufani, ni dzindzila dzaye dza gu khedza thowotunu.

¹⁹Vatshavbo va mu vbwetago, gima kha va na nga wuya, gambe kha va na nga mana ndzila nya guvbanye.

²⁰Guti gu ngu gu gimbidzisa khu ndzila nya vathu nya vadi, ni gu landrisa dzindzila dza vathu nya gululame.

²¹Kholu vathu va lulamidego, va na vbaha mafuni momu, ni vale va vbeledego, va na khala umo;

²²aholu va nya guvivbedwa khu monyo, va na fuviswa mafuni, ni vasengedzeli va na mbembiswa.