Read gitonga Mavingu 26 Bible Online

Mavingu 26 - gitonga bible

Mavingu 26

¹Gufanana ni thondrwane ya gu thega vbamarongatunu ni ndzadzi yiwago gikhatini nya guvbwere, kharato nugo gipumbu kha gi faneli gu zundzwa.

²Gukhwatshi khu ginyoni gi vbuvbago nyamba mbaka, gukhwatshi khu ndrewulewu guvbuvbani gwaye, kharato nugo guyuyuta nyambana gighelo, kha gu phasi gilo.

³Kavalu ya gu gimbidziswa khu gisephu, ni buru yi gimbidziswa khu matomu, gasi hwambo nya gipumbu wu emedwe khu mboma.

⁴U nga phindruli gipumbu khu wupumbu waye, kholu uwe nuwe u na fanana nagyo.

⁵Gi phindrule khu ndzila yi yeyedzago wupumbu waye, gasi igyo gi si dzi woni na gi gengede.

⁶Gu rumela mahungu khu mandzani ga gipumbu, gu fanana ni gu dzi pila litundru.

⁷Mavingu ma dugelago kanani ga gipumbu, ma gu fanana ni mawundru nya gilima ma gu mwalo tshivba.

⁸Uye a zundzago gipumbu, gu fanana ni gu hunga giwindri nya gukhedzige vbafijigatunu, u rinya talani nya nguma.

⁹Mavingu ma dugelago kanani nya gipumbu, ma gu fanana ni litamo nya miba li payago mandzani ga maleveni.

¹⁰Uye a tholago muthu nya guvivbedwe khu monyo ni sindragamilayo, a gu fanana ni muthu a hekhago vatshavbo khu sighalala.

¹¹ Kha nga yimbwa yi gu bwelo khavbo yi hodza magose yaye, khidzo kharato ga gipumbu, kha gi garali khu gu thuma wupumbu waye.

¹²U di nga wona muthu a dzi randrago gugengela, gani? Gomo gutumba nya gukhongolo ga gipumbu guvbindra uye.

¹³Ngara wari, khuye: “Yomo nghala ndzilani; nghala nya guthise yomo dzindzilani nya makondro.”

¹⁴Kha nga lidimba li gimbilagimbilago vbamijageritunu gwaye, kharalo nuye ngara vbadawutunu gwaye.

¹⁵Muthu nya ngara a gu bedza libogo mbiyani, aholu gu khala thumo gu li yisa kanani.

¹⁶Ngara a gu dzipwa na gengede, guvbindra livbandre na vavili vama va ningago phindrulo nya yadi.

¹⁷Gu dzi bedzedzela mahunguni nyamba mati, gu fanana ni uye a molago yimbwa khu dzindzeve.

¹⁸Gukhwatshi muthu nya guhandruge a rinyago magala nya nilo ni sighalala nya gusonge;

¹⁹kharato nuye muthu a kanganyisago muakelane waye, khu hwane, khuye: “Nyi di gira esi khu guhagana.”

²⁰Gwa gu bani guri mwalo dzikhuni, nilo wa gu tshimega; kharato nugo, gwa gu bani guri mwalo muthu nya milembo, mayunga ma gu vbela.

²¹Gukhwatshi khu magala ni dzikhuni dzi khondrisago nilo, kharato nuye muthu nya dzihanyi gu wusa mayunga.

²²Magana nya muthu nya milembo ma gulombela, ma gu midzwa khu vatshavbo ma relela kala mahembeni

²³Magana nya gunyenyeze ni monyo nya guvivbe, gu fanana ni sombo nya libumba si namegedzedwego, maraga nya parata.

²⁴Muthu nya mukanganyisi a gu siha gigaha gi tadego monyoni gwaye, monyoni gwaye a gu alakanyela wudambane.

²⁵Ambari a gu tshambisela gu ganela u nga khodwi, kholu monyoni gwaye, gu tade khu wulala nya gu enedze livbandre na dzimbili dzinyondro.

²⁶Ambari a gu zama gu siha manyala yaye, mithumo yaye nya guvivbe, yi na tugudwa khu vathu vatshavbo.

²⁷Uye a kembago liphala, a na thegela umo, ni uye a rindrividzelago giwindri, a na thegedwa khigyo.

²⁸Lidimi la muthu nya malipha, la gu gira dzimhango nya dzingi, ni magana yaye nya gulombele, ma gu mu mbembisa.