Read gitonga Mavingu 7 Bible Online

Mavingu 7 - gitonga bible

Mavingu 7

¹Mwanangu, vegedza magana yangu, sayisa monyoni gwago milayo yangu.

²Vegedza milayo yangu u na vbanya, sihevbudzo sangu si wone, kha nga nyamahegyane a godwago khu maho yago.

³Si hunge kha nga simburiselo dzinyalani gwago, u si lova monyoni gwago.

⁴Embela guti, khuwe: “Uwe khuwe ndriyangu,” wugengeli u wu rana nongo wago;

⁵gasi si gu ndreyisa ga nyamayi nya gibhayi, uye a sengedzelago khu magana nya gulombele.

⁶Kholu nyi diri khu vbagihogotunu nya nyumba yangu, nyi di khedzisa khu mudzisimbini,

⁷nyi wona vbakari nya madzaha nya va nyalidede nyi tugula lidzaha limwedo nyambana mapimo.

⁸Ilo li di guvbindra khu ndzila, li ndreya li thonona nyumbani ga nyamayi wule;

⁹li di guhwa lidambo, na gu phumanyana, gu khala wutshigu.

¹⁰Nyamayi wule a di duga a mu khinga na ambade sombo nya wuphuphulu, monyo waye na wu tade khu wudambane.

¹¹Nya gugwaruge ni gu ganela ngudzu; migondro yaye yi di si emi ndrangani gwaye.

¹²A gimbila dzindzilani, ni wutshanganeloni nya vathu, ni mahandzakanyani nya dzindzila; a khedza eno ni eno.

¹³A di hidzimela ga lidzaha a li bhejari, khu khovbe nyambana dzitshoni na gukhuye:

¹⁴“Nyi sambanyide gu gira miphaselo nya gubonge, muhuno nyi tadziside gifungo gyangu.

¹⁵Khu guralo, nyi khugide khu gaya nyi gu khingamedza, nyi gu vbwetide ngudzu, olu nyi gu mane.

¹⁶Nyi ladzide vbadawutunu gwangu, myendra nya wumburi, yi lugidwego khu dzikhindra nya wumburi, dza Egipito.

¹⁷Nyi theledzede vbadawutunu gwangu mafura nya gunungele nya guhambanelane.

¹⁸Delu hita dzi buza khu lihaladzo kala gugya; hi buza gutshamba nya lihaladzo!

¹⁹Kholu mwama wangu mwalo ndrangani, endride a hongola hwindzo.

²⁰Hongode ni kwama nya dzitsapawu, a na wuya ngima na wuri vbakari.”

²¹A di li kanganyisa khu magana yaye nya gutale, a mu ndrindredzela khu magana nya gulombele.

²²A dzegela gu mu landra nga mombe yi yiswago gusongwatunu, mwendro gipumbu gi yiswago gutshaniswatunu;

²³Kala gighalala gi hekha libindri laye, nga ginyoni gi belago gikayelani, gi si dziti gu khigyo gi na mbembisa hefemulo wagyo.

²⁴Khu guralo, vanavangu, dembani dzindzeve mu yingise magana yangu.

²⁵Nyamayi yoyu a nga tshuki a gu senga, ambari gudzimela u landra ndzila yaye.

²⁶Kholu sasede nya vangi, a mbembisa gidzemo nya gingi.

²⁷Nyumba yaye ndzila yi relelago thowoni, yi yisago phalani nya vafi.