Read gitonga Isaya 53 Bible Online

Isaya 53 - gitonga bible

Isaya 53

¹ Khu mani a khodwego khu esi hi mi tivisidego? Gambe khu mani a wonidego tshivba ya PFHUMU Nungungulu?

²Kholu githumi gyangu gi di dandra mbeli ga PFHUMU Nungungulu kha nga litamo li thungago, mwendro kha nga khamba mafuni nya gihala; a diri mwalo giemo nya gutsakise mwendro wumburi.

³ Uye a di nyenywa ni gu hembuludwa vbakari nya vathu; uye a diri muthu nya wuvi ni guti gutshaniseka, a di fanana ni muthu, nya gu, a gu wonwa khu vathu va mu sihalela.

⁴ Khu lisine, uye a di rwala sigaradzo sathu, ni gulemedwa khu wuvi wathu; ethu hi di mu wona kha nga muthu a tsayiswago, a bayiswago gumogo ni gu dayiswa khu Nungungulu.

⁵ Aholu, uye payidwe khu kotani nya sighoho sathu, a pfareledwa khu kotani nya guvivbe gwathu; tsayiso wu nga hi resela gurula, wu thegede vbatshani gwaye, khu kotani nya dzimbanga dzaye, hi manide guvbanyiswa.

⁶ Ethu hatshavbo hi di gu legalega kha nga dzinvuta nya gudzimele; muthu ni muthu a di gu bela khu yaye ndzila, aholu, PFHUMU Nungungulu a di mu rwega guvivba gwa ethu hatshavbo.

⁷ Uye a di tshaniswa a pwiswa wuvi, aholu, a di dzi thesa vbavbatshi, nyamba tula likana; gu fanana ni nvuta yi yiswago gusongwatunu, ni nvuta yi degulago gikhati va yi gayago mawoya; uye nuye kha nga tula likana.

⁸ A di modwa khu dzihanyi a lamudwa, a di duswa mafuni, khu mani a na sayago matshigu nya guvbanye gwaye? Kholu, a di duswa tigoni nya vathu nya guvbanye khu kotani nya sighoho sa vathu vangu.

⁹ Gusongwani gwaye, va di mu dzinga gumogo ni va nya guvivbedwa khu myonyo, ni sitetema; ambari olu uye a ngamba tshuka na giride gighoho, mwendro gu ganela wudambane khu kanani gwaye.

¹⁰Khu guralo, PFHUMU Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga PFHUMU Nungungulu.

¹¹A na wona handro nya gusaniseke nya hefemulo waye, a nengela, githumi gyangu gi lulamidego, khu guti gwaye, gi na agisa nya vangi kholu, gi na rwala guvivba gwawe.

¹² Khu guralo, nyi na mu ninga vathu nya vangi, kha nga gipandre gyaye nya thomba, a na kabana phango gumogo ni sitetema; kholu a di ningela womi waye a songwa; a sayedwa gumogo ni sighohi, gikhati a rwadego sighoho sa vathu nya vangi, a di lombelela khu sighohi.