Read gitonga Jeremiya 37 Bible Online

Jeremiya 37 - gitonga bible

Jeremiya 37

¹ Zedhekiya, mwamana wa Josiya, mufumeli wa Judha, a di emiswa gu khala mufumeli khu Nabhukodhonosori, mufumeli wa Bhabhiloni. A di fuma wulangani wa Koniya, mwamana wa Jowakimi.

²Aholu uye ambari sithumi saye, ni vathu va tigoni gwaye, kha va nga yingisa magana ya PFHUMU Nungungulu a nga ganelago khu ga muprofeti Jeremiya.

³Khu guralo, mufumeli Zedhekiya, a di rumela Jukali, mwamana wa Selemiya, muphasi nya mhamba Sofoniya, mwamana wa Mahaseya, ga muprofeti Jeremiya va ya mu embela, khavo: “Lombelela khu ethu ga PFHUMU Nungungulu wathu.”

⁴Khu gikhati gyogyo, Jeremiya a di gu gimbilagimbila vbakari nya vathu, kholu a di si gu khothedwi.

⁵Vakalidhiya va nga bani va phangide Jerusalema va gu randrela, avbo va ngapwago nya gupwani mabutho ya Faro ma khugide khu Egipito gasi guta sasela Jerusalema, va di phalalega.

⁶Khavbo avbo, PFHUMU Nungungulu a di resa magana yaya ga muprofeti Jeremiya, khuye:

⁷PFHUMU Nungungulu wa Israyeli, a ngu ganela kharati, khuye: Embela mufumeli wa Judha gumogo ni vathu a va rumedego guta nyi wudzisa, khuwe: Masotshwa ya Faro ma nga bani ma guta, guta mi phasedzelani, ma na bwelela tigoni gwawe ga Egipito.

⁸Vakalidhiya va na wuya vata sasela lidhoropa leli, va li phanga ni gu li vbisa.

⁹PFHUMU Nungungulu a ngu ganela kharati, khuye: Mu nga dzi kanganyisi khu gukhenu: Vakalidhiya va na dugela muphelo, kholu avo kha va na hongola.

¹⁰Ambari nari gupwani Vakalidhiya, mu di va sasede vatshavbo va vbela, gu tshala basi vale nya gu bayisedwe mitshatshani gwawe, moyo ni moyo a di hadza gu duga khu tshatshani gwaye ata vbisa khu nilo lidhoropa leli.

¹¹Hwane nya gu mabutho nya Vakalidhiya na ma dugide khu Jerusalema khu gu thava mabutho ya Faro,

¹²Jeremiya a di duga khu dhoropani gasi gu hongola tigoni ga Bhejami guya hakha vbakari ga va na gyawe thomba yi mu lumbago.

¹³Na nga gu vboha Nyangwani ga Bhejami, a di gu manega vbale muthangeli nya guwonelele, lina laye a di ranwa pwani khu Jeriya, mwamana wa Selemiya, mwamana wa Hananiya, a di mola muprofeti Jeremiya a mu embela, khuye: “Uwe wa gu thava uya dzi ningela ga Vakalidhiya.”

¹⁴Jeremiya a di ganela, khuye: “Isoso malipha, khandri lisine! Eni kha nyi hongoli nyi ya dzi ningela ga Vakalidhiya.” Aholu Jeriya kha vbweta gu sipwa, a di mola Jeremiya aya mu ningela ga manganagana.

¹⁵Manganagana ma di tala khu giviti khu Jeremiya, va di mu veta, va mu khothela pasoni, nyumbani ga mulovi Jonatane, va nga bani va yi vbindrugedzide yi khala lipaso.

¹⁶Jeremiya va di mu rinya pasoni nya liphala nya guete, avbo a khadego matshigu nya gutale.

¹⁷Khu hwane, mufumeli Zedhekiya, a di rumela guya mu dusa gasi guta mu wudzisa khu gisihaledza, nari khu nyumbani gwaye nya wufumu, a mu wudzisa, khuye: “U na ni mahungu ya PFHUMU Nungungulu, gani?” Jeremiya a di hakha, khuye: “Ina momo.” A mu embela gambe, khuye: “Uwe u na ningedwa mandzani ga mufumeli wa Bhabhiloni.”

¹⁸Khavbo avbo, Jeremiya a di wudzisa Mufumeli Zedhekiya, khuye: “Gasi gighoho muni nyi gu ghohedego uwe, madhota yago ni litigo lago nya gukala u nyi thela pasoni?

¹⁹Olu vomo hayi vaprofeti vago va nga bani va gu profeta, khavo: Mufumeli wa Bhabhiloni kha nata mu sasela, ambari gu sasela litigo leli?

²⁰Gasi olu, uwe mufumeli, mune wangu, nyi ngu lomba upwa gulila gwangu nyi gukheni: U nga nyi digi nyi bwelela ndrangani ga Jonatane gasi nyi si yi fela iyoyo.”

²¹Khavbo avbo, mufumeli Zedhekiya a di leletela gukhuye, Jeremiya a khothedwa hubheni nya dzighadhi, gasi khu litshigu ni litshigu a ningwe gibaba nya guningwe khavo va vawulago, kala dhoropani gwatshavbo gu vbela sibaba. Khu kharati, Jeremiya a di khala hubheni nya dzighadhi.