Read gitonga Jeremiya 8 Bible Online

Jeremiya 8 - gitonga bible

Jeremiya 8

¹Khu gikhati gyogyo, a ngu ganela PFHUMU Nungungulu, khuye: Marambo ya vafumeli va Judha, nya manganagana, ya vaphasi nya mhamba, ya vaprofeti ni ya vavbanyi va Jerusalema, ma na duswa khu marowoni gwawe;

²ma ta anegwa ma vetwa khu lihani ni ngima ni mabutho yatshavbo ya ndzadzini, a gu esi va na Israyeli va nga si gola ni gu si thumela, iso va nga si landriselago ni gu si vbweta ni gu si khozela. Gima kha si na roledwa ambari gu kembedwa, si na khala kha nga ndzilo vbatshani nya mafu.

³Ni vatshavbo avo va nga tshalago ga lifumbu lolo nya guvivbedwe khu monyo, va na vbweta gufa guvbindra guvbanya, malangani yatshavbo nyi na gu va lundrago vaya umo, a ngu ganela PFHUMU Nungungulu nya Tshivba Yatshavbo.

⁴Va embele gambe, khuwe: PFHUMU Nungungulu a ngu ganela kharati, khuye: Ina muthu a gu thega kha kodzi guwuga gambe, gani? A gu ndreya ndzilani kha na wuya gambe, gani?

⁵Gasi khu ginani vathu vava va Jerusalema va simamago gu banga mihungo va dzi ndreyisa? Va simama ndzilani nya guwegele va si dzumeli gu wuya gambe!

⁶Nyi va yingiside gwadi; gambe kha va ganeli lisine, kha nyapwa ni moyo a nga dzi laya khu sighoho a giridego, a ganela, khuye: “Gasi ginani nyi nga ghoha?” Moyo ni moyo a gu ndreya a tutuma kha nga dzikavalu dziyago nyimbitunu.

⁷Ambari lisekwa, khu damboni, li ngu dziti dzinango dzaye dzi vegisidwego; lituva, ndrewulewu ni pfhokwane si ngu dziti dzinango dzawe nya gurure; aholu vathu vangu kha va guti gulamula ga PFHUMU Nungungulu.

⁸Olu, khu ginani mu ganelago, khenu: Ethu hi nguti, kholu milayo ya PFHUMU Nungungulu yomo gwathu? Wonani nya gukhenu milowo ya valovi vanu, yi vbindrugedzide nayo wu khala malipha.

⁹Va nya guti va na thedwa dzitshoni, va na ndrendremela va modwa; kholu va hambanide ni magana ya PFHUMU Nungungulu; gasi guti muni gogo va gu nago?

¹⁰Khu guralo, nyi na ningela vagadzi vawe ga vambe vama, ni marembwe yawe ma na ningedwa ga valala vawe; kholu gukhugela sanana kala vakhongolo, vaprofeti ni vaphasi nya mhamba, moyo ni moyo wawe a dzi ningede umo nya wudambane.

¹¹ Thumo nya guvbodzise dzimbanga dza vathu vangu va di wu gira kha nga thumo nya wudugwane, na va gu ganela, khavo: “Gurude, gurude;” nari gu gumwalo gurula.

¹² Va di yede gupwa dzitshoni khu mavbanyelo yawe nyambasi yadi; aholu ne ni vbadugwana kha va dzipwi dzitshoni; gambe kha va giti gilo muni gu khala dzitshoni. Khu guralo, va na thega gumogo ni vale va fudego; va na mbemba litshiguni nya gulamudwe; a ngu ganela PFHUMU Nungungulu.

¹³“Nyi na va vbiyela havo bhi.” A ngu ganela PFHUMU Nungungulu. Kha gu na tshala likandzu vbatshani nya kandzu, ambari lidimwa dimwani ni mahagane ma na wu na; olu nyi rumede avo va na gu ya va sasela.

¹⁴Khu ginani hi nga gu khalago gambe avba? Tombanani hi thavela madhoropani nya makhokhola, hi ya fela iyoyo, kholu PFHUMU Nungungulu wathu a hi konede gufa, ni gu hi sedza mati nya wuhungu nya gusonge, kholu hi ghohede PFHUMU Nungungulu.

¹⁵Hi di gu lirela gukhethu hi na mana gurula, aholu kha ha mana gilo nya gutsakise; hi di khethu hi na mana gikhati nya gu vbodzisedwe, aholu hi di wona wughevenga.

¹⁶Gukhugela Dhani gu pwala ligwaha nya dzikavalu; litigo latshavbo li ngu tsekatseka khu kotani nya lito lawe; va nguta vata mbembisa litigo ni satshavbo si guromo umomo, lidhoropa gumogo ni vatshavbo va vbanyago umo.

¹⁷Kholu wonani nya gukhenu nyi na mi rumelani dzinyoga nya wuhungu nya gusonge, nyamba kodzwa gu vbedzwa tshivba khu muthu, dzi na mi hodzani; a ngu ganela PFHUMU Nungungulu.

¹⁸Oh! Nari gukhwatshi nyi ngu kodza gu dzi tangadzisa wuvini gwangu! Kholu monyo wangu wu vbede tshivba.

¹⁹Nya gu yingisa dzihuwa nya miketo ya nyamahegyane wa vathu vangu, huwa yi pwalago tigoni momu gwatshavbo, khavo: “Gasi PFHUMU Nungungulu kha manegi gambe Siyoni, gani? Mufumeli waye kha manegi gambe mule, gani? Khu ginani va nyi gorosago va nyi wusela likhulo khu sifananiso sawe nya guvatwe, ni vanungungulu va mambe mayigo?

²⁰Hi vbedzide guvbwera, yi vbindride nango nya maronga, aholu hi si gu vbanyiswi.”

²¹Nyi ngu vbela tshivba khu gu sasedwa ga vathu vangu; nyi ngu lila ngudzu, nyi vbede tshivba.

²²Gasi Gileyadhi [6] mwalo gambe mafura nya gugondredzele khayo, gani? Ina gu mwalo gambe nyanga iyoyo, gani? Khu ginani gu ngamba vbodziswa gilondra gya vathu vangu?