Read gitonga Gililo 2 Bible Online

Gililo 2 - gitonga bible

Gililo 2

¹Aleti Nga wonani idzo Pfhumu, a fenengedzago khidzo Siyoni khu lipfhi nya likhulo laye! Theside vbavbatshi wudhumo wa Israyeli, wu nga bani wu khugega kala damboni, litshiguni nya likhulo laye kha alakanya gigandredzelo nya migondro yaye. Bet

²Pfhumu kha gira gisiro khu dzinyumba dzatshavbo dza Jakobe. Khu kotani nya likhulo laye, khungumude makhokhola ya nyamahegyane wa Judha, a ma thesa vbavbatshi; a poyila mifumo ni manganagana aye. Guimel

³Khu guvbisega gwaye nya gukhongolo fanyide tshivba yatshavbo ya Israyeli. A si va vhikeli, a va diga va sasedwa khu valala vawe, a vbisa va na Jakobe nga nilo wu vbisago satshavbo si guromo vbafuvbi. Dalet

⁴Khwandride wulaho waye kha nga nala, a phara gighalala khu libogo la nyamudye a dwana gukhwatshi nala wathu a khungumula satshavbo si nga bani si hi nengedzisa; a guhula likhulo laye kha nga nilo wa tshatshani ga nyamahegyane wa Siyoni. He

⁵Pfhumu a vbindrugedzide a khala nala, a mbembisa Israyeli, a pfhungumula ni gu khungumula dzinyumba dzaye dzatshavbo nya wufumu ni makhokhola yaye yatshavbo, a andrisa wuvi ni gililo ga nyamahegyane wa Judha. Vau

⁶Pfhungumude Tshatsha waye nga khwatshi lithembwe; a fuvisa wulanga nya tshangano waye. PFHUMU Nungungulu a fuviside Siyoni, matshigu nya mibuzo ni dzisabhadho khu kotani nya guvbisege gwaye, fuviside vafumeli ni vaphasi nya mhamba. Zain

⁷Pfhumu kha tsakiswa khu giluvelo gyaye, a di nyenya ni wulanga waye nya miphaso; a ningela mandzani ga valala dzindzari nya makhokhola yaye, va kulungela Nyumbani gwa PFHUMU Nungungulu, nga matshigu nya tshangano nya buzo. Heti

⁸PFHUMU Nungungulu hungide makungo nya gupfhungumule laba ni libhiyo la nyamahegyane wa Siyoni, a mu pimide khu ngodzi nya sifi aholu kha bweledza gyandza gyaye nya gusasele; a khungumula laba ni likhokhola; satshavbo si keta gumogo. Tet

⁹Malimba ya Jerusalema ma thegide vbavbatshi; ma pandregide gu funyega sikwinyaro; vafumeli ni vathangeli va phalalegide ni mayigo. Olu wu mwalo gambe nayo, ambari ni vaprofeti PFHUMU Nungungulu kha ngu va tulela gambe siwoniso. Yod

¹⁰Madhota ya vanyamahegyane va Siyoni ma khade vbavbatshi hayo kape. Va dzi phorodzede nguma hungoni, va ambala silendra, makendzi ya Jerusalema ma nogide dzithamo vbavbatshi. Caf

¹¹Maho yangu guvbisa khu gu lila; hefemulo wangu wa gu garadzega, monyo wangu wu vbede tshivba khu guvbisega, khu gu wona gumbembiswa ga litigo langu, kholu nya gu wona sanana, niso sa beleni si titivalago dzindzilani nya lidhoropa Lamed

¹²Sanana sa gu lila ga vamayi vawe, khiso: Gomo hayi guhodza ni mati? Va gira isoso na va gu titivala dzindzilani nya lidhoropa gukhwatshi vathu va bayisidwego na va hadza gufa na va gu ningela mihefemulo yawe na vari mandzani ga vamayi vawe. Mem

¹³Wufakazi muni nyi na gu girelago? Nyi na gu fananisa ni mani uwe nyamahegyane wa Jerusalema? Gasi nyi na gu fananisa ni mani? Gasi gu gu tangadzisa, uwe likendzi la tsindza wa Siyoni? Gilondra gyago gikhongolo nga linene; khu mani a na gi vbodzisago? Nuni

¹⁴Vaprofeti vago va gu kanganyiside khu siprofeto nya malipha ni wupumbu. Va tandregide gu gu tugudzisa sighoho sago, gasi u si yiswi wugumbitunu. Va gu tivisa basi silo nyambana fanelo; iso si nga gu hambanisago.

¹⁵Vatshavbo vavbindri nya ndzila va gu khwakhwathela mandza va gu gu wona; va womba dzindrodzi ni gu kutsunga mihungo, khu kotani yago uwe nyamahegyane wa Jerusalema, khavo: “Khilo eli lidhoropa li nga bani li gu ranwa gupwani mburi yi vbeledego, gutsaka gwa tigoni gwatshavbo, gani?” Pheni

¹⁶Valala vago vatshavbo va gu tulede magana va gu tseketsela ni gu gu lodzela magwaha. Va ganela, khavo: “Hi mu khawudziside; gale na hi lirede litshigu leli, olu li vbohide, hongoleni hi mu wona!” Ain

¹⁷PFHUMU Nungungulu tadziside gwago makungo yaye; giride iso a nga bani na gu ganela khu matshiguni ya gale. Pfhungumude nyamba pwela gisiro; tsakiside valala vago khu kotani nya guthege gwago, a va engedzede tshivba. Sade

¹⁸Myonyo yawe yi di lila ga Pfhumu, khiyo: Uwe ndzari nya lidhoropa la Siyoni, marongo yago ma na goge nga tsongo wutshigu ni mihani! Maho yago ma nga garali khu gu lila! Qof

¹⁹Wuga u womba huwa, u lila wutshigu watshavbo guphelani nya gupile; tula monyo wago u wu ningela watshavbo mbeli gwa Pfhumu, khusedza mandza yago u lombelela ga Pfhumu khu sanana sago si fago khu ndzala mahandzakanyani yatshavbo nya dzindzila. Resi

²⁰PFHUMU Nungungulu, khedzisa, u wona, gukhuwe gasi khu mani u mu giredego silo sesi? Ina vamayi va ngu yela gu hodza handro wa mahembeni gwawe, a gu sanana va si wugarelago mawogoni gwawe, gani? Ina vaphasi nya mhamba ni vaprofeti va ngu yela gu songwa giluveloni nya guage gya Pfhumu, gani? Sini

²¹Sanana ni sikhosane si mbambamede mu dzindzilani. Dzimbiri ni madzaha yangu va sasedwe khu matshari. U va songide khu litshigu nya likhulo lago, u va mbembisa nyamba va tsetsa. Tau

²²U nyi rambede sighevenga khu maphuvbo yatshavbo, kha nga litshigu nya buzo; litshigu nya likhulo la PFHUMU Nungungulu, mwalo a nga tutumago mwendro gu vbuluga. Ngamo yangu nyi nga yi dandrisa ni gu yi sayisa, nala wangu a yi mbembiside.