Read gitonga Gililo 3 Bible Online

Gililo 3 - gitonga bible

Gililo 3

¹Alef Eni nyi muthu nyi wonidego gutshaniseka khu kotani nya lipitso nya likhulo la Nungungulu.

²Uye a nyi dzegide a nyi gimbidzisa khu ndzila nya gidema nyamba wonegela.

³Gikhati gyatshavbo mandza yaye momo vbatshani gwangu; litshigu latshavbo kha garali khu gu nyi veta. Bet

⁴U hagadzide nyama ni tshonge yangu, bwelo khavbo u nyi fanyeledzela marambo yangu.

⁵U nyi bhiyide, bwelo khavbo u nyi randrela khu maphuvbo yatshavbo u nyi fenengedza khu tshanisa ni wuvi.

⁶U nyi khadziside malangani nya gidema nyi fanana ni vathu va fudego gale. Guimel

⁷U nyi bhiyede laba gasi nyi si kodzi gu duga, u nyi hunga khu makhetshe gasi nyi si tutumi.

⁸Ambari nya gu lila nyi lomba guphaswa, Uye kha yingisi nombelo wangu.

⁹A nyi tshikhede dzindzila dzangu khu siwindri nya sikhongolo, a wegedza ndzila yangu. Dalet

¹⁰Avbo gwangu a di dzi gira kha nga gikankanka gi nyi riyago, ni nghala yi sihadego.

¹¹A nyi ndreyiside ndzilani gwangu a nyi vbadzulela, a nyi tshiya nyambana wangu.

¹²Khwandride wulaho waye a nyi hekha khu sighalala.

¹³Hekhide monyo wangu khu sighalala nya wulaho waye.

¹⁴Nyi khade gihegiso ga va na gyathu vatshavbo, nyi khade ndzimo yawe gikhati gyatshavbo.

¹⁵U nyi khuriside khu silo nya guvave, u nyi levisa khu wadwa nya wuhungu. Vau

¹⁶U nyi kunulede magwaha khu giwindri, u nyi puluwundrisa ngumani.

¹⁷U ndreyiside gurula hefemuloni gwangu, gutsaka kha nyi nga gu guti gambe.

¹⁸Heni, kheni: “Nyi vbeledwe khu wudhumo wangu, gumogo ni gitumbo gyangu ga PFHUMU Nungungulu.” Zain

¹⁹Alakanya gutshaniseka ni wusiwana wangu, wuvi ni guvbisega gwangu.

²⁰Nya gu alakanya satshavbo sesi, hefemulo wangu wa gu vbela tshivba.

²¹Gyomo gimbe nyi gi alakanyago khu monyoni gwangu, gasi gu wusedza gitumbo gyangu. Heti

²²Ethu kha ha mbembiswa khu wuhigo wa PFHUMU Nungungulu; kholu lihaladzo laye li mwalo mahegiso.

²³Gugya ni gugya a gu li wusedza; gutumbega gwago Pfhumu gukhongolo.

²⁴Hefemulo wangu, wu di khuwo: “Thomba yangu khu PFHUMU Nungungulu, khu guralo, nyi ngu vega iyo gwaye gutumba gwangu.” Tet

²⁵PFHUMU Nungungulu khwadi ga vale va mu tumbago ni mihefemulo yi mu vbwetago.

²⁶Khu guralo, gwadi muthu gu rudzisa monyo a khevisela guvbanyisa gwa PFHUMU Nungungulu.

²⁷Gu ngu tsakisa gu muthu a lemedwa khu rwalo waye, gukhugela wudzahani gwaye. Yod

²⁸Gwadi muthu a gu rwegwa sigaradzo khu PFHUMU Nungungulu, a dzi phara a timisela;

²⁹a na dzi nogise a gu dzina saye a na mana gitumbo;

³⁰a na ningedzele gihaya gyaye ga wule a mu vetago, a timisela gusingedzwa ni gu vadwa. Caf

³¹Kholu Pfhumu kha dzudzugi muthu kala gupindruga.

³²Hwane nya gu bani a mu tshaniside, a ngu mu pwela gisiro, kholu lihaladzo laye likhongolo ngudzu.

³³Uye khandri khu gugola gwaye, gu pwisa wuvi ni gu tsayisa sanana nya vathu. Lamed

³⁴Gu gandredzela sibotshwa satshavbo sa tigoni;

³⁵gu hambanisa dzifanelo dza muthu mbeli gwa Uye a khusegidego ngudzu,

³⁶gulamula khu gu wegedza mahungu nya muthu phathani, ina Pfhumu kha na si wona satshavbo sesi, gani? Mem

³⁷Khu mani a gukhuye gi na girege gilo nya gukari, gi girega vbavbandze nya gurume ga Pfhumu, gani?

³⁸Makategwa ni dzimhango kha si dugi khu kanani ga wule a Khusegidego Ngudzu, gani?

³⁹Muthu nya guvbanye, gasi ginani a yelago gu lila khigyo? A gu yela gu lila khu sighoho saye. Nuni

⁴⁰Hongoleni hi khedzise mavbanyelo yathu, hi wuye ga PFHUMU Nungungulu.

⁴¹Hi na khusedze monyo ni mandza yathu ga Nungungulu a guromo ndzadzini.

⁴²Hi gu ghohede, ni gumba gu yingisa, uwe Pfhumu, khu guralo khwa hi divalela. Samec

⁴³U fenengedzide khovbe yago khu likhulo gasi u hi landrelela; u hi songide nyambana gisiro.

⁴⁴U dzi fenengidzide khu lipfhi gasi nombelo wathu wu si gu vboheli.

⁴⁵U hi giride gilo nya gunyenyeze ni gihegiso vbakari nya mayigo. Pheni

⁴⁶Valala vathu vatshavbo va hi hamede magana,

⁴⁷va hi thela hwanga va hi mola khu milaphwi, va hi mbembisa hi fuva.

⁴⁸Marongo ma gu goga khu mahoni kha nga tsongo, khu gu wona gumbembiswa ga nyamahegyane wa tigoni gwangu. Ain

⁴⁹Marongo yangu kha ma emi, ma gu vbalaga wutshigu ni mihani.

⁵⁰Kala PFHUMU Nungungulu a nyipwa a reledza maho yaye khu ndzadzini a si wona.

⁵¹Maho yangu ma gu fuvila khu gu lila, khu gu wona iso si giregago ga vanyamahegyane va dhoropani gwathu. Sade

⁵²Avo va nyi vengago nyambana nandru, va gu nyi sota kha nga ginyoni.

⁵³Gasi gu vbweta gu nyi mbembisa, va di nyi rinya phalani, va nyi veta khu siwindri.

⁵⁴Hungoni gwangu gu di langaladzwa khu mati, kheni: “Yowe nyi fude!” Qof

⁵⁵Na nyiri guetani nya liphala, nyi di rana lina lago, Uwe PFHUMU Nungungulu.

⁵⁶U pwide lito langu na nyi keta, kheni! U nga tshikhi ndzeve u si yingisi gutshaniseka ni gulila gwangu.

⁵⁷Litshigu nyi gu ranidego U hidzimede vbafuvbi gwangu, u nyi embela, khuwe: “U nga thavi.” Resi

⁵⁸Pfhumu, u nyi vhikede mahunguni gwangu, u vbanyisa hefemulo wangu.

⁵⁹PFHUMU Nungungulu u wonide wuvivbi va nyi giredego, lamula mahungu yangu.

⁶⁰U wonide gu dzi phodzela gwawe, makungo va lugago khu eni. Sini

⁶¹PFHUMU Nungungulu, u pwide givalo ni malipha va nyi singedzago;

⁶²ni magana nyamba vbela ma dugago matshigu yatshavbo khu maganani gwawe gasi gu nyi dwanisa.

⁶³Va khedze gwadi, ambari na va emide mwendro na va khade, va gu nyi poyila khu dzindzimo dzawe. Tau

⁶⁴PFHUMU Nungungulu va tsayise mayelano khu mithumo yawe va thumidego khu mandza yawe.

⁶⁵Bangisa myonyo yawe; likhulo lago li na thege vbatshani gwawe.

⁶⁶PFHUMU Nungungulu va wugele u va lundra khu likhulo lago, kala va fuva omu mafuni.