Read gitonga Ezekiyeli 15 Bible Online

Ezekiyeli 15 - gitonga bible

Ezekiyeli 15

¹PFHUMU Nungungulu a di nyi embela, khuye:

²“Mwamana wa muthu, khu ginani simbo nya uvha wu gu ni lisima guvbindra mimbe misimbo ya khabini?

³Ina mapulango yaye, ma di nga tshukha ma gira gilo nya lisima, gani? Ina womo a nga gira khayo livbayego nya gu vbayegele avbo guambala, gani?

⁴Wa gu rinywa niloni gasi gu vbiswa, nilo wa gu tsagamisa dzitshokha dza dzimbili bwelo khavbo gipandre gya vbakari gi dzura; ina gi nga na phasa gambe gu vata gilo, gani?

⁵Ambari gikhati wu nga bani wuri rumba, wu nga bani wu si phasi gilo, ahati olu wu vbisidwego khu nilo, hi nga dzi gu gira khuwo thumo nya gukari, gani?

⁶Khu guralo, Mune PFHUMU Nungungulu a ngu ganela kharati, khuye: Kha nga olu vathu va guvbweta gu khondrisa nilo va dzegago misimbo nya uvha va khondrisa khiyo, va diga yimbe misimbo ya khabini; khu guralo, nyi na gira neni ga vavbanyi va Jerusalema.

⁷Nyi na va wugela; avo va na duga khu niloni, aholu, nilo wu na va dagaredzisa; khavbo mu na dzitigo gukhenu Eni kheni PFHUMU Nungungulu, gikhati nyi na gu va wugelago.

⁸Litigo nyi na li gira marumbi, kholu avo va giride guvivba nya gungi; a ngu ganela Mune PFHUMU Nungungulu.”