Read gitonga Mitengo 26 Bible Online

Mitengo 26 - gitonga bible

Mitengo 26

¹Hwane nya gu bani wu vbindride tungu, PFHUMU Nungungulu a di embela Mosi ni Eleyazari, mwamana wa muphasi nya mhamba Aroni, khuye:

²“Girani gilovela nya tshangano watshavbo wa na Israyeli, nya ava va enedzidego magumavili myaga guya mbeli, gukhedza khu dzindranga dza vababe vawe, vatshavbo vale va kodzago gu ya dwana nyimbi.”

³Mosi ni muphasi nya mhamba Eleyazari va di ganela mapanini ya Mowabhi, vbafuvbi ni tsongo wa Joridhani, tigoni ga Jeriko, khavo:

⁴“Lovelani vama gukhugela magumavili myaga guya mbeli, kha nga idzo a leletedego khidzo PFHUMU Nungungulu ga Mosi.” Va na Israyeli va dugidego khu Egipito va diri ava:

⁵Rubheni, matiwula ya Jakobe. Sanana sa Rubheni khu Enoki, nyapandre nya linyangwa la va na Enoki; Palu, nyapandre nya linyangwa la va na Palu;

⁶Hesiromi, nyapandre nya linyangwa la va na Hesiromi; Karimi, nyapandre nya linyangwa la va na Karimi.

⁷Aya khu mapango ya va na Rubheni ma nga lovedwago, yatshavbo ma diri magumana na mararu magumi ni livbandre na mavili mazana ni magumararu (43.730).

⁸Gyanana gya Palu, khu Eliyabhi;

⁹sanana sa Eliyabhi khu Nemuweli, Dhatani ni Abhiramo. Dhatani yoyu ni Abhiramo khavo va nga hathwago khu tshangano gasi gu wugela Mosi ni Aroni na vari gumogo ni tsawa wa Kore gikhati va nga wugelago PFHUMU Nungungulu.

¹⁰Aholu mafu ma di hama ma va midza avo gumogo ni Kore gufa tsawa wule, nilo na wu gu dagaredzisa mazana mavili ni livbandre magumi (250) vathu. Esi si giride kha nga gikombiso.

¹¹Aholu sanana sa Kore kha sa ngafa.

¹²Sanana sa Simiyoni, gukhedza khu dzindranga dzawe khesi: Nemuweli, nyapandre nya linyangwa la va na Nemuweli; Jamini, nya linyangwa la va na Jamini; Jakimi, nya linyangwa la va na Jakimi;

¹³Zera, nya linyangwa la va na Zera ni Sawule, nya linyangwa la va na Sawule.

¹⁴Edzi khidzo dzindranga dza Simiyoni: Va diri magumavili na mavili magumi ni mazana mavili (22.200).

¹⁵Sanana sa Gadhi, gukhedza khu dzindranga dzawe khesi: Zefoni, nyapandre nya linyangwa la va na Zefoni; Hagi, nya linyangwa la va na Hagi; Suni, nya linyangwa la va na Suni;

¹⁶Ozini, nya linyangwa la va na Ozini; va na Eri, nya linyangwa la va na Eri;

¹⁷Arodi,[16] nya linyangwa la va na Arodi ni Areli, nya linyangwa la va na Areli.

¹⁸Edzi khu dzinyumba dza sanana sa Gadhi, gukhedza khidzo va lovedwego khidzo: Va diri magumana magumi ni livbandre mazana (40.500).

¹⁹Sanana sa Judha khu Eri ni Onani; aholu avo va fede tigoni ga Khanani.

²⁰Simbe sanana sa Judha, gukhedza khu dzinyumba dzawe, khesi: Va na Kela, mupandri nya linyangwa la va na Kela; Peresi, nya linyangwa la va na Peresi ni Zera, nya linyangwa la va na Zera.

²¹Va na Peresi khava: Hesiromi, nya linyangwa la va na Hesiromi ni Hamuli, nya linyangwa la va na Hamuli.

²²Edzi khu dzinyumba dza Judha, gukhedza khu edzi va lovedwego khidzo: Va diri livbandre na mavili ni livbandre na limwedo magumi ni livbandre mazana (76.500).

²³Sanana sa Isakari, gukhedza khu dzinyumba dzawe khesi: Tola, nyapandre nya linyangwa la va na Tola; Puwa,[17] nya linyangwa la va na Puwa;

²⁴Jasubi, nya linyangwa la Jasubi ni Siniromi, nya linyangwa la va na Siniromi.

²⁵Edzi khidzo dzinyumba dza Isakari, gukhedza khu edzi va lovedwego khidzo: Va diri livbandre na limwedo ni mana magumi ni mazana mararu (64.300).

²⁶Sanana sa Zabhuloni, gukhedza khu dzinyumba dzawe khesi: Seredi, mupandre nya linyangwa la va na Seredi; Eloni, nya linyangwa la va na Eloni ni Jaliyeli, nya linyangwa la va na Jaliyeli.

²⁷Edzi khidzo dzinyumba dza Zabhuloni, gukhedza khu edzi va lovedwego khidzo: Va diri livbandre na limwedo magumi ni livbandre mazana (60.500).

²⁸Sanana sa Josefe, gukhedza khu dzinyumba dzawe khesi: Manasi ni Efrayimi.

²⁹Sanana nya lihundzu la Manasi khesi: Makiri mupandri nya linyangwa la va na Makiri; Makiri a di velega Gileyadhi a gu nyapandre nya linyangwa la va na Gileyadhi.

³⁰Ava khavo sanana sa Gileyadhi: Jezeri, nyapandre nya linyangwa la va na Jezeri; Heleki, nya linyangwa la va na Heleki;

³¹Asiriyeli, nya linyangwa la va na Asiriyeli; Sikemi, nya linyangwa la va na Sikemi;

³²Semidha, nya linyangwa la va na Semidha; Heferi, nya linyangwa la va na Heferi.

³³Selofeyadi, mwamana wa Heferi, kha nga velega sanana nya sikhwathana, a di velega basi nya sagadzyana. Malina nya vanyamahegyane va Selofeyadi khaya: Mahalati, Nowa, Hogila, Milika ni Tiriza.

³⁴Edzi khu dzinyumba dza Manasi, gukhedza khu edzi va lovedwego khidzo: Va diri livbandre magumi na mavili ni livbandre na mavili mazana (52.700).

³⁵Esi khu sanana sa Efrayimi, gukhedza khu dzinyumba dzawe: Sutela nyapandre nya linyangwa la va na Sutela; Bhekeri, nya linyangwa la va na Bhekeri ni Tahani, nya linyangwa la va na Tahani.

³⁶Ava khu sanana sa Sutela: Erani, nya linyangwa la Erani.

³⁷Edzi khu dzinyumba dza sanana sa Efrayimi, gukhedza khedzi va lovedwego khidzo: Va diri magumararu na mavili magumi ni livbandre mazana (32.500). Esi khiso sanana sa Josefe, gukhedza khu dzinyumba dzawe.

³⁸Sanana sa Bhejami, gukhedza khu dzinyumba dzawe, khesi: Bhela nyapandre nya linyangwa la va na Bhela; Asibheli, nya linyangwa la va na Asibheli; Ayiramo, nya linyangwa la va na Ayiramo;

³⁹va na Sufani, nya linyangwa la va na Sufani; va na Hufani, nya linyangwa la va na Hufani.

⁴⁰Sanana sa Bhela khu Aridhi ni Nahamani. Aridhi nyapandre nya linyangwa la va na Aridhi ni Nahamani, nya linyangwa la va na Nahamani.

⁴¹Esi khu sanana sa Bhejami, gukhedza khu dzinyumba dzawe ni edzi va lovedwego khidzo: Va diri magumana na livbandre na limwedo magumi ni livbandre na limwedo mazana (46.600).

⁴²Esi khu sanana sa Dhani, gukhedza khu dzinyumba dzawe: Suwamu, nyapandre nya linyangwa la va na Suwamu. Eli khu linyangwa nya sanana sa Dhani gukhedza khu dzinyumba dzawe:

⁴³Dzinyangwa dzatshavbo dza va na Suwamu, gukhedza khu edzi va lovedwego khidzo dzi diri livbandre na limwedo na mana magumi ni mazana mana (64.400).

⁴⁴Sanana sa Aseri, gukhedza khu dzinyumba dzawe khesi: Jimina, nyapandre nya linyangwa la va na Jimina; Jisivi, nya linyangwa la va na Jisivi; Bheriya, nya linyangwa la va na Bheriya.

⁴⁵Sanana sa Bheriya, khesi: Va na Hebheri, nyapandre nya linyangwa la Hebheri ni Malikiyeli, nya linyangwa la va na Malikiyeli.

⁴⁶Lina la nyamahegyane wa Aseri a di pwani khu Sera.

⁴⁷Edzi khu dzinyumba dza sanana sa Aseri, gukhedza khu edzi va lovedwego khidzo: Va diri livbandre magumi ni mararu ni mazana mana (53.400).

⁴⁸Sanana sa Nafitali, gukhedza khu dzinyumba dzawe khesi: Jazeyeli, nyapandre wa nya linyangwa la va na Jazeyeli; Guni, nya linyangwa la va na Guni;

⁴⁹Jezeri, nya linyangwa la va na Jezeri ni va Silemi, nya linyangwa la va na Silemi.

⁵⁰Eli khu lihundzu la Nafitali, gukhedza khu dzinyumba dzawe ni edzi va lovedwego khidzo: Va diri magumana na livbandre magumi ni mazana mana (45.400).

⁵¹Ava khu sanana sa Israyeli, va lovedwego va enedza tengo nya livbandre na limwedo magumi, ni likhumi na livbandre na mavili mazana ni magumararu (601.730) vama.

⁵²“PFHUMU Nungungulu a di ganela ga Mosi, khuye:

⁵³Ava khavo va na kabanisedwa litigo gasi gu khala thomba yawe, gukhedza khu tengo nya malina yawe.

⁵⁴Ga lihundzu li gu ni vathu nya vangi ngudzu u na va ninga gipandre nya gikhongolo nya thomba; gasi ga eli nya vathu nya vadugwana u na va ninga gipandre nya gidugwane nya thomba; lihundzu ni lihundzu li na ningwa thomba gukhedza khu tengo nya vathu vaye.

⁵⁵Khu guralo, gukabaniswa nya thomba nya litigo gu na nonedzwa khu solo; vatshavbo va na hakha gukhedza khu mahundzu ya vababe vawe.

⁵⁶ Thomba yi na kabanisedwa khu gulola dzisolo vbakari nya lihundzu nya likhongolo ambari ni eli nya lidugwana.”

⁵⁷Ava khu va na Levhi, va lovedwego gukhedza khu dzinyumba dzawe: Gerisoni, nyapandre nya linyangwa la va na Gerisoni; Kowati, nya linyangwa la va na Kowati ni Merari, nya linyangwa la va na Merari.

⁵⁸Eli khu lihundzu la Levhi; linyumba la va na Libina, linyumba la va na Hebroni, linyumba la va na Malita, linyumba la va na Musita ni linyumba la va na Kore. Kowati a di velega Aniramo.

⁵⁹Mwangadzi wa Aniramo a di ranwa pwani khu Jokibhedi, nyamahegyane wa Levhi, a mu velegedego tigoni ga Egipito. Jokibhedi a di velega ni Aniramo sanana a gu esi: Aroni, Mosi ni ndriyawe, Miriyamu.

⁶⁰ Aroni a di velega Nadhabhi, Abhiyu, Eleyazari ni Itamari.

⁶¹ Nadhabhi ni Abhiyu va difa gikhati va nga ningelago nilo nya gunyenyeze ga PFHUMU Nungungulu.

⁶²Tengo wawe va diri magumavili na mararu magumi mazana (23.000) va na Levhi, nya ngima moyo guya mbeli vatshavbo va diri vama, aholu kha va nga lovedwa vbakari ga va na Israyeli, kholu kha va nga hakha gipandre nya thomba vbakari ga va na Israyeli.

⁶³Ava khavo va lovedwego khu Mosi ni muphasi nya mhamba Eleyazari, avo va lovede va na Israyeli vari mapanini ga Mowabhi, vbafuvbi ni tsongo wa Joridhani gu khedzanidego ni Jeriko,

⁶⁴khu guralo, vbakari gwawe kha gwa manega ni moyo nya vale va nga lovedwago khu Mosi ni muphasi nya mhamba Aroni, gikhati va lovedego va na Israyeli giwulani ga Sinayi.

⁶⁵ Kholu PFHUMU Nungungulu a di ganede khu mahungu yawe gukhuye va na yafa giwulani; gambe mwalo a nga tshalago, vbavbandze ga Kalebi, mwamana wa Jefoni ni Josuwa, mwamana wa Nuni.