Read gitonga Nahume 1 Bible Online

Nahume 1 - gitonga bible

Nahume 1

¹ Gulamudwa ga Ninivha. Libhuku nya giwoniso gya Nahume, nya lifumbu la Elikosi.

²PFHUMU Nungungulu nya wufu ni gu dzi phodzela! PFHUMU Nungungulu a ngu dzi phodzela na tade khu likhulo! PFHUMU Nungungulu a ngu dzi phodzela ga avo va mu wugelago, na gu yeyedza likhulo laye ga valala vaye.

³PFHUMU Nungungulu a ngu hwela gu goroga, gambe khongolo khu Tshivba; kha na diga gu tsayisa gighohi. Ndzila yaye yomo omu nya gingulu numo nya gipupwane; mapfhi i kudzudzwane nya migondro yaye.

⁴Uye a ngu kawuka linene, livbwa, a bangisa ni mitsongo yatshavbo; a vbedza tshivba Bhasani ni gigomoni gya Karimelo, a wunisa senge sa Libhanoni.

⁵Sigomo sa gu ndrendremela mbeli gwaye, sigomwana si nyiviliga; mafu ma tsekatseka mbeli gwaye, li ndrendremela litigo ni vatshavbo va vbanyago umo.

⁶Khu mani a na gu emago mbeli nya likhulo laye? Khu mani a tiyelago guvbisa nya likhulo laye? Likhulo laye li vbalagide nga nilo, khungumulede siwindri mbeli gwaye.

⁷PFHUMU Nungungulu khwadi, likhokhola nya wuthavelo litshigu nya wuvi. A ngu vhikela avo va mu tumbago,

⁸aholu khu ndrambi nya gukhulunge, a na mbembisa khu gumogo basi wulanga wowu nya lidhoropa; khu gidema a na lundra valala vaye.

⁹Ginani enu mu gi alakanyago khu PFHUMU Nungungulu? Uye kamwe a na mbembisa makungo yanu yatshavbo; tshanisa kha yi na wuyelela nyondro nya wuvili.

¹⁰Kholu ambari na va tshunganede kha nga miba, va gu fanana ni vathu nya guleve khu wadwa, va na vbiswa nga mwasi nya gubange.

¹¹Dugide khavbo gwago uwe Ninivha, muthu a girelago makungo nya guvivbe PFHUMU Nungungulu, singalagadzi nyamba phasa gilo.

¹²PFHUMU Nungungulu a ngu ganela kharati, khuye: “Ambari na mu tiyide kharini, ni gu bani muri vangi kharini, kha mu na vbuluga gumbembiswa, uye a na vbindra, aholu uwe Judha, nyi gu thede dzitshoni, olu kha nyi na engedza gambe gu gu poyila.

¹³Gasi olu, nyi na fanya kanga u wu rwadego magatani gwago nyi kavilela ni dzitshinga dzi gu hungidego.

¹⁴Aholu, PFHUMU Nungungulu ningide nayo nya gukhuye, khu mahembeni gwago, kha gu na velegwa gambe muthu a na gu yisago mbeli lina lago; Nyi na khungumulela satshavbo sifananiso nya guvatwe niso nya gupfhudwe si guromo nyumbani ga nungungulu wago. Nyi vega umo lithowo lago, kholu uwe khu phasi gilo.”

¹⁵ Wonani musigomoni migondro ya wule a resago mahungu nya yadi, a huwelelago gurula! Uwe Judha, gira mikhuwo nya mibuzo yago, u landrisa sisambanyo sago, kholu va nya mayigo, gima kha va na nga gu sasela gambe; avo va na mbembisedwa muphelo.