Read gitonga 2 Thimoti 3 Bible Online

2 Thimoti 3 - gitonga bible

2 Thimoti 3

¹Khala nu gu dziti nya gukhuwe ma ngu vboha matshigu nya guhegise, gi na manega gikhati nya sigaradzo.

²Kholu vathu va na dzi khusedza va khala va magundrele, va nya gugola dzitsapawu, va nya matshandza, va nya gu dzi gugumugisa, va nya gu wugela Nungungulu, gumba yingisa vavelegi, gumba bonga, va nyamba khodwa.

³Va na bani vari vathu nyambana lihaladzo ni wuhengeli. Va na singedzana khu gyawe. Va na bani vari vathu nyamba khodwa ni gumba dzi phara, va nya guhambana ni wuthu, va nyamba vbweta esi nya sadi,

⁴Va nya malipha, va nya mapimo nya guvivbe, va nya gugola gu dzi tsakisa khu silo nya mafu guvbindra Nungungulu.

⁵Va na sayisa giemo nya wukhodwa, aholu va ganedza tshivba yakone. Hambana navo vathu vovo.

⁶Kholu vbakari gwawe khavo va belago khu nyumba ni nyumba va kanganyisela vanyamayi vale nyamba tiya, vale va landriselago silo nya gighoho, va ndrindrwa khu gudogolela gwatshavbo.

⁷Vanyamayi vovo, va gu hevbula gikhati gyatshavbo silo nya wukhodwa, aholu, kha va dzi kodzi gu vboha mahegiso nya guti lisine.

⁸ Nga olu Janesi ni Jambiri va nga wugela Mosi, ava navo va wugede lisine, vathu nya mapimo nya gufe ni gukhodwa vbadugwana.

⁹Aholu, kha va na vboha hwindzo, kholu, wupumbu wawe wu wonidwe khu vatshavbo nga edzi wu nga wonwago khidzo wa Janesi ni Jambiri.

¹⁰Uwe u landrede gwadi sihevbudzo sangu, mavbanyelo, maalakanyo, gukhodwa, guhunisela, lihaladzo, gutiya,[3]

¹¹ guvengwa ni gusaniseka nyi nga gu mana Antiyokiya ni Ikoniya, ni Listra. Dzitshanisa muni nyi dzi manego! Aholu, Pfhumu a nyi vbulugiside ga satshavbo soso.

¹²Vatshavbo vale va vbwetago gu vbanya khu gukhodwa ga Kristo Jesu va na saniswa.

¹³Aholu, vathu va nya guvivbedwa khu monyo ni vakanyisi va gu simamisa gu gira guvivba, va kanganyisa vakwawe, bwelo khavbo va kanganyiswa.

¹⁴Aholu uwe simama u tiya ga esi u hevbudego u si hakha khu gukhodwa. U ngu dziti gukhuwe u si hevbude ga mani.[4]

¹⁵Gukhugela wanana wago, u ngu yi pima gwadi Milowo nya Guage. Iyo yi na ni tshivba nya gu gu ninge guti gu yisago guvbanyiswani khu gukhodwa ga Kristo Jesu.

¹⁶Milowo yatshavbo nya Guage yi lovidwe khu tshivba ya Nungungulu, yi ngu phasa gu hevbudza ni gu kawuka ni gu luleka, ni gu dandrisa khu gululama,

¹⁷gasi muthu wa Nungungulu a khale nya guvbelele, a kodze gu gira mithumo yatshavbo nya yadi.