Read gitonga 1 Johane 1 Bible Online

1 Johane 1 - gitonga bible

1 Johane 1

¹ Hi ngu mi lovelani khu mahungu ya wule a nga bani a romo gukhugela guhegulani, uye hi mu pwidego ni gu mu wona khu maho yathu. Khu lisine, ethu hi mu wone, hi wuya hi mu phara khu mandza. Ha gu ganela khu Lito nya guvbanye.

² (Kholu guvbanya gogu gu dzi wonegisidego, ethu hi gu wone. Khu guralo, ethu hi ngu ganela khugo, hi mi tivisani guvbanya nya gupindruge gu nga bani guri ni Babe, hi tuledwego gu guti).

³Esi hi si wonego ni gu sipwa, khiso hi mi tivisago nenu, gasi enu nenu mu fela gu hengela gumogo ni ethu, kha nga ethu nethu hi hengelago ni Babe ni Mwanaye Jesu Kristo.

⁴Hi ngu mi lovelani silo sesi gasi gutsaka gwanu gu tadzisega.

⁵Mahungu hi ma pwidego ga Jesu Kristo, ayo hi ma tivisago gwanu nenu, khaya: Nungungulu Wenengedzo, ga Uye gu mwalo gidema.[1]

⁶Khu guralo, ha gukhethu hi ngu hengela gumogo ni Nungungulu, bwelo khavbo hi gu vbanya mugidemani, ha gu lipha, gambe kha hi vbanyi lisineni.

⁷Aholu, ha gu vbanya guwonegelani, kha nga olu Uye a guromo muguwonegelani, gu yeyedza gupwani hi ngu hengela gumogo ethu hatshavbo, gambe Novba wa Kristo, Mwamana waye, wu ngu handza sighoho sathu satshavbo.

⁸Ha gu ganela gukhethu hi mwalo gighoho, ha gu dzi kanganyisa ethu vamune wurumba; lisine li mwalo ga ethu.

⁹Aholu, ha gu dawulela sighoho sathu ga Nungungulu, uye a lulamidego ni gu tumbega a na hi tsetselela sighoho sathu, a hi agisa guvivbani gwatshavbo.

¹⁰Ha gukhethu hi mwalo gighoho, hi ngu mu gira muliphi; gambe ha gu yeyedza gukhethu mahungu yaye ma mwalo gwathu.