Read Gujarati Bible – ગુજરાતી બાઇબલ 1 કાળવ્રત્તાંત 24 Bible Online

1 કાળવ્રત્તાંત 24 - Gujarati Bible – ગુજરાતી બાઇબલ bible

1 કાળવ્રત્તાંત 24

¹હારુનના પુત્રો; નાદાબ, અબીહૂ, એલાઝાર તથા ઈથામાર.

²નાદાબ અને અબીહૂ પોતાના પિતાની અગાઉ મરણ પામ્યા હતા. તેઓને સંતાન ન હતા, તેથી એલાઝાર તથા ઈથામાર યાજકનું કામ કરતા હતા.

³સાદોક, એલાઝારના વંશજોમાંનો એક અને અહીમેલેખે, ઈથામારના વંશજોમાંનો એકની સાથે મળી, દાઉદે, યાજકો તરીકેના કામ માટે તેઓને વિવિધ જૂથોમાં ગોઠવ્યા.

⁴એલાઝારના પુત્રોમાં, ઈથામારના પુત્રો કરતાં મુખ્ય પુરુષો સંખ્યામાં વધારે હતા, તેથી એલાઝારના પુત્રોના સોળ વર્ગ પાડવામાં આવ્યાં. ઈથામારના પુત્રોનાં કુટુંબોના આઠ મુખ્ય પુરુષો હતા, માટે તેઓના આઠ વર્ગ પાડવામાં આવ્યા.

⁵તેમણે ચિઠ્ઠીઓ નાંખી બિનપક્ષપાતીપણે તેઓને નિયુક્ત કર્યા તેથી પવિત્રસ્થાનના કારભારીઓ તથા ઈશ્વરના કારભારીઓ, એલાઝાર અને ઈથામાર, બન્નેના વંશજોમાંથી હતા.

⁶નથાનિયેલનો પુત્ર શમાયા ચીટનીસ, લેવીઓમાંનો એક હતો. તેણે રાજાની, સરદારોની, સાદોક યાજકની, અબ્યાથારના પુત્ર અહીમેલેખની તથા યાજકો અને લેવીઓના કુટુંબોના મુખ્ય પુરુષોની સમક્ષ તેઓની નોંધ કરી. એલાઝાર તથા ઈથામારના કુટુંબ, વારાફરતી એકપછી એક ગણવામાં આવતુ હતું.

⁷પહેલી ચિઠ્ઠી યહોયારિબની અને બીજી યદાયાની નીકળી.

⁸ત્રીજી હારીમની, ચોથી સેઓરીમની,

⁹પાંચમી માલ્કિયાની, છઠ્ઠી મીયામીનની,

¹⁰સાતમી હાક્કોસની, આઠમી અબિયાની,

¹¹નવમી યેશુઆની, દસમી શખાન્યાની,

¹²અગિયારમી એલ્યાશિબની, બારમી યાકીમની,

¹³તેરમી હુપ્પાની, ચૌદમી યશેબાબની,

¹⁴પંદરમી બિલ્ગાની, સોળમી ઈમ્મેરની,

¹⁵સત્તરમી હેઝીરની, અઢારમી હાપ્પીસ્સેસની,

¹⁶ઓગણીસમી પથાહ્યાની, વીસમી યહેઝકેલની,

¹⁷એકવીસમી યાકીનની, બાવીસમી ગામૂલની,

¹⁸ત્રેવીસમી દલાયાની અને ચોવીસમી ચિઠ્ઠી માઝયાની નીકળી હતી.

¹⁹ઇઝરાયલના ઈશ્વર, યહોવાહે તેઓના પિતા હારુનને આપેલી આજ્ઞા મુજબ તેની મારફતે અપાયેલા હુકમ મુજબ સેવા કરવાને યહોવાહના ભક્તિસ્થાનમાં આવવાનો તેઓનો અનુક્રમ એ મુજબનો હતો.

²⁰લેવીના બાકીના પુત્રો નીચે મુજબ છે: આમ્રામના પુત્રોમાંનો શુબાએલ; શુબાએલના પુત્રોમાંનો યહદયા.

²¹રહાબ્યાના પુત્રોમાંનો યિશ્શિયા જે આગેવાન હતો.

²²ઈસહારીઓમાંનો શલોમોથ. શલોમોથના પુત્રોમાં યાહાથ.

²³હેબ્રોનના પુત્રોમાં સૌથી મોટો યરિયા, બીજો અમાર્યા, ત્રીજો યાહઝીએલ અને ચોથો યકામામ.

²⁴ઉઝિયેલનો પુત્ર મિખા. મિખાના પુત્રોમાંનો શામીર.

²⁵મિખાનો ભાઈ યિશ્શિયા. યિશ્શિયાનો પુત્ર ઝખાર્યા.

²⁶મરારીના પુત્રો: માહલી તથા મુશી. યાઝિયાનો પુત્ર બનો.

²⁷મરારીના પુત્રો: યાઝિયાનો બનો, શોહામ, ઝાક્કૂર અને ઈબ્રી.

²⁸માહલીના પુત્રો એલાઝાર, તે નિ:સંતાન હતા.

²⁹કીશનો પુત્ર: યરાહમેલ.

³⁰મુશીના પુત્રો: માહલી, એદેર તથા યરીમોથ. તે બધા તેમના કુટુંબ પ્રમાણે લેવીઓ હતા.

³¹તેઓએ પણ હારુનના પુત્રોની માફક દાઉદ રાજા, સાદોક, અહીમેલેખ અને યાજકો તથા લેવીઓનાં કુટુંબનાં મુખ્ય પુરુષોની હાજરીમાં ચિઠ્ઠીઓ નાખી. કુટુંબના મુખ્ય માણસોએ પોતાના નાના ભાઈઓની કુટુંબોની માફક જ ચિઠ્ઠીઓ નાખી.