Read Gujarati Bible – ગુજરાતી બાઇબલ એઝરા 2 Bible Online

એઝરા 2 - Gujarati Bible – ગુજરાતી બાઇબલ bible

એઝરા 2

¹બાબિલનો રાજા નબૂખાદનેસ્સાર યહૂદિયાના જે લોકોને બંદીવાન કરીને બાબિલ લઈ ગયો હતો, તેઓમાંના રાજાની ગુલામીમાંથી જે મુક્ત થઈને યરુશાલેમમાં તથા યહૂદિયામાં પોતપોતાનાં નગરમાં પાછા આવ્યા તે માણસોનાં નામ આ પ્રમાણે છે:

²ઝરુબ્બાબેલ, યેશૂઆ, નહેમ્યા, સરાયા, રએલાયા, મોર્દખાય, બિલ્શાન, મિસ્પાર, બિગ્વાય, રહૂમ, તથા બાના. ઇઝરાયલી લોકોની સંખ્યા આ પ્રમાણે છે.

³પારોશના વંશજો: બે હજાર એકસો બોતેર.

⁴શફાટયાના વંશજો: ત્રણસો બોતેર.

⁵આરાહના વંશજો: સાતસો પંચોતેર.

⁶યેશૂઆ તથા યોઆબથી પાહાથ-મોઆબના વંશજો: બે હજાર આઠસો બાર.

⁷એલામના વંશજો: એક હજાર બસો ચોપન.

⁸ઝાત્તુના વંશજો: નવસો પિસ્તાળીસ.

⁹ઝાકકાયના વંશજો: સાતસો સાઠ.

¹⁰બાનીના વંશજો: છસો બેતાળીસ.

¹¹બેબાયના વંશજો: છસો ત્રેવીસ.

¹²આઝગાદના વંશજો: એક હજાર બસો બાવીસ.

¹³અદોનિકામના વંશજો: છસો છાસઠ.

¹⁴બિગ્વાયના વંશજો: બે હજાર છપ્પન.

¹⁵આદીનના વંશજો: ચારસો ચોપન.

¹⁶આટેરમાંના, હિઝકિયાના વંશજો: અઠ્ઠાણું.

¹⁷બેસાયના વંશજો: ત્રણસો ત્રેવીસ.

¹⁸યોરાના વંશજો: એકસો બાર.

¹⁹હાશુમના લોકો: બસો ત્રેવીસ

²⁰ગિબ્બારના લોકો: પંચાણું.

²¹બેથલેહેમના લોકો: એકસો ત્રેવીસ.

²²ટોફાના લોકો: છપ્પન.

²³અનાથોથના લોકો: એકસો અઠ્ઠાવીસ.

²⁴આઝમા-વેથના લોકો: બેતાળીસ.

²⁵કિર્યાથ-આરીમ, કફીરા અને બેરોથના લોકો: સાતસો તેંતાળીસ.

²⁶રામા અને ગેબાના લોકો: છસો એકવીસ.

²⁷મિખ્માસના લોકો: એકસો બાવીસ.

²⁸બેથેલ અને આયના લોકો: બસો ત્રેવીસ.

²⁹નબોના લોકો: બાવન.

³⁰માગ્બીશના લોકો: એકસો છપ્પન.

³¹બીજા એલામના લોકો: એક હજાર બસો ચોપન.

³²હારીમના લોકો: ત્રણસો વીસ.

³³લોદ, હાદીદ અને ઓનોના લોકો: સાતસો પચીસ.

³⁴યરીખોના લોકો: ત્રણસો પિસ્તાળીસ.

³⁵સનાઆહના લોકો: ત્રણ હજાર છસો ત્રીસ.

³⁶યાજકોનાં નામ આ પ્રમાણે છે: યોશુઆના કુટુંબના, યદાયાના વંશજો: નવસો તોંતેર.

³⁷ઇમ્મેરના વંશજો: એક હજાર બાવન.

³⁸પાશહૂરના વંશજો: એક હજાર બસો સુડતાળીસ.

³⁹હારીમના વંશજો: એક હજાર સત્તર.

⁴⁰લેવીઓના નામ આ પ્રમાણે છે: હોદાવ્યાના અને યેશૂઆના તથા કાદમીએલના વંશજો: ચુંમોતેર.

⁴¹ભક્તિસ્થાનના ગાનારાઓ આ પ્રમાણે છે: આસાફના વંશજો એકસો અઠ્ઠાવીસ.

⁴²ભક્તિસ્થાનના દ્વારપાળો: શાલ્લુમ, આટેર, ટાલ્મોન, આકકૂબ, હટીટા અને શોબાયના વંશજો: કુલ એકસો ઓગણચાળીસ.

⁴³ભક્તિસ્થાનમાં સેવા કરવા માટે નિયુક્ત કરાયેલા: સીહા, હસૂફા, ટાબ્બાઓથ,

⁴⁴કેરોસ, સીહા, પાદોન,

⁴⁵લબાના, હગાબા, આકકૂબ,

⁴⁶હાગાબા, શામ્લાય, અને હાનાનના વંશજો;

⁴⁷ગિદ્દેલ, ગહાર, રાયા,

⁴⁸રસીન, નકોદા, ગાઝામ,

⁴⁹ઉઝઝા, પાસેઆ, બેસાઈ,

⁵⁰આસના, મેઉનીમ, નફીસીમના વંશજો;

⁵¹બાકબુક, હાકૂફા અને હારર,

⁵²બાસ્લુથ, મહીદા, હાર્શા,

⁵³બાર્કોસ, સીસરા, તેમા,

⁵⁴નસીઆ અને હટીફાના વંશજો.

⁵⁵સુલેમાનના સેવકોના વંશજો: સોટાય, હાસ્સોફેદેથ, પરૂદા,

⁵⁶યાઅલાહ, દાર્કોન અને ગિદ્દેલ,

⁵⁷શફાટયા, હાટીલ, પોખેરેશ - હાસ્બાઈમ અને આમીના વંશજો.

⁵⁸ભક્તિસ્થાનમાં સેવા કરવા માટે નિયુક્ત કરાયેલા અને સુલેમાનના સેવકોના વંશજો: કુલ ત્રણસો બાણું હતા.

⁵⁹તેલ-મેલાહ, તેલ હાર્શા, ખરુબ, અદાન તથા ઇમ્મેરમાંથી પાછા આવેલા જેઓ ઇઝરાયલીઓમાંના પોતાના પૂર્વજોની વંશાવળી સાબિત કરી શક્યા નહિ, તેઓનાં નામ આ પ્રમાણે છે:

⁶⁰દલાયા, ટોબિયા, અને નકોદાના વંશજો: છસો બાવન,

⁶¹યાજકોના વંશજોમાંના: હબાયાના વંશજો, હાક્કોસના વંશજો અને બાર્ઝિલ્લાય કે જેણે ગિલ્યાદી બાર્ઝિલ્લાયની દીકરીઓમાંથી એકની સાથે લગ્ન કર્યું હતું અને તેથી તેનું નામ બાર્ઝિલ્લાય પડ્યું હતું તેના વંશજો.

⁶²તેઓએ સર્વ વંશાવળીમાં તપાસ કરી પણ તેઓનાં નામ મળ્યાં નહિ. તેઓએ યાજકપદપણાને ભ્રષ્ટ કર્યું તેથી

⁶³સૂબાએ તેઓને કહ્યું કે, ઉરીમ અને તુમ્મીમ દ્વારા મંજુર કરવામાં ન આવે ત્યાં સુધી પરમપવિત્ર અર્પણોમાંથી તેઓએ ખાવું નહિ.

⁶⁴સમગ્ર પ્રજાની કુલ સંખ્યા બેતાળીસ હજાર ત્રણસો સાઠ હતી.

⁶⁵તે ઉપરાંત તેઓનાં દાસો તથા દાસીઓ સાત હજાર ત્રણસો સાડત્રીસ હતા અને તેઓમાં ભક્તિસ્થાનમાં ગાયક સ્ત્રી પુરુષોની સંખ્યા બસો હતી.

⁶⁶તેઓનાં જાનવરોમાં, સાતસો છત્રીસ ઘોડા, બસો પિસ્તાળીસ ખચ્ચરો,

⁶⁷ચારસો પાંત્રીસ ઊંટો અને છ હજાર સાતસો વીસ ગધેડાં હતાં.

⁶⁸જયારે તેઓ યરુશાલેમમાં, યહોવાહના ઘરમાં ગયા, ત્યારે પિતૃઓના કુટુંબોમાંથી કેટલાક વડીલોએ, ભક્તિસ્થાનને તેની જગ્યાએ પુનઃસ્થાપિત કરવા માટે તેઓએ રાજીખુશીથી અર્પણો આપ્યાં.

⁶⁹તેઓએ પોતાની શક્તિ પ્રમાણે બાંધકામને માટે એકસઠ હજાર દારીક સોનું, પાંચ હજાર માનેહ ચાંદી અને યાજકના સો ગણવેશ આપ્યાં.

⁷⁰યાજકો, લેવીઓ, બીજા કેટલાક લોકો, ગાનારાઓ, દ્વારપાળો તથા ભક્તિસ્થાનમાં સેવા માટે નિયુક્ત કરવામાં આવેલા સેવકોએ, તેમના નગરોમાં વસવાટ કર્યો. સર્વ ઇઝરાયલીઓ પોતપોતાનાં નગરોમાં વસ્યા.