Read Gujarati Bible – ગુજરાતી બાઇબલ નહેમ્યા 7 Bible Online

નહેમ્યા 7 - Gujarati Bible – ગુજરાતી બાઇબલ bible

નહેમ્યા 7

¹જયારે કોટનું બાંધકામ પૂરું થયું અને મેં દરવાજાઓ ઊભા કર્યા, ત્યારે દ્વારપાળો, ગાનારાઓ તથા લેવીઓની નિમણૂક કરવામાં આવી.

²મેં મારા ભાઈ હનાની અને કિલ્લાના અમલદાર હનાન્યાને યરુશાલેમનો હવાલો સોંપ્યો. કારણ કે તે ઘણો વિશ્વાસુ હતો તથા બીજા બધા કરતાં ઈશ્વરથી વિશેષ ડરનારો હતો.

³અને મેં તેઓને કહ્યું, "દિવસ ચઢે ત્યાં સુધી યરુશાલેમના દરવાજા ખોલવા નહિ અને જ્યારે ચોકીદારો ચોકી કરતા હોય ત્યારે તેઓએ દરવાજાનાં બારણાં બંધ રાખવાં. યરુશાલેમના રહેવાસીઓમાંથી તમારે ચોકીદારો નીમવા. દરેક જણ નિયત જગ્યાએ ચોકી કરે અને બાકીના પોતાના ઘર આગળ ચોકી કરે."

⁴નગર ખૂબ વિસ્તારવાળું હતું. પણ તેમાં લોકો થોડા જ હતા અને ઘરો હજુ બંધાયાં નહોતા.

⁵મારા ઈશ્વરે મારા હૃદયમાં એવી પ્રેરણા કરી કે, ઉમરાવોને, અધિકારીઓને અને લોકોને વંશાવળી પ્રમાણે તેઓની ગણતરી કરવા માટે એકઠા કરવા. જેઓ સૌથી પહેલા આવ્યા હતા તેઓની વંશાવળીની યાદી મને મળી. તેમાં મને આ લખાણ જોવા મળ્યું કે,

⁶"બાબિલના રાજા નબૂખાદનેસ્સાર દ્વારા જે લોકોને બંદીવાન કરીને લઈ જવામાં આવ્યા હતા, તેઓમાંના જે લોકો યહૂદિયાનાં પોતપોતાનાં નગરોમાં અને યરુશાલેમમાં પાછા આવ્યા,

⁷એટલે ઝરુબ્બાબેલ, યેશૂઆ, નહેમ્યા, અઝાર્યા, રામ્યા, નાહમાની, મોર્દખાય, બિલ્શા, મિસ્પરેથ, બિગ્વાય, નહૂમ તથા બાનાની સાથે આવ્યા તેઓ આ છે. ઇઝરાયલના લોકોના પુરુષોની સંખ્યાવાર યાદી આ પ્રમાણે છે.

⁸પારોશના વંશજો બે હજાર એકસો બોતેર,

⁹શફાટયાના વંશજો ત્રણસો બોતેર,

¹⁰આરાહના વંશજો છસો બાવન,

¹¹યેશૂઆ તથા યોઆબના વંશજોમાંના પાહાથ-મોઆબના વંશજો બે હજાર આઠસો અઢાર,

¹²એલામના વંશજો એક હજાર બસો ચોપન,

¹³ઝાત્તૂના વંશજો આઠસો પિસ્તાળીસ,

¹⁴ઝાકકાયના વંશજો સાતસો આઠ,

¹⁵બિન્નૂઈના વંશજો છસો અડતાળીસ,

¹⁶બેબાયના વંશજો છસો અઠ્ઠાવીસ,

¹⁷આઝગાદના વંશજો બે હજાર ત્રણસો બાવીસ,

¹⁸અદોનિકામના વંશજો છસો સડસઠ,

¹⁹બિગ્વાયના વંશજો બે હજાર સડસઠ,

²⁰આદીનના વંશજો છસો પંચાવન,

²¹હિઝકિયાના આટેરના વંશજો અઠ્ઠાણું,

²²હાશુમના વંશજો ત્રણસો અઠ્ઠાવીસ,

²³બેસાયના વંશજો ત્રણસો ચોવીસ,

²⁴હારીફના વંશજો એકસો બાર,

²⁵ગિબયોનના વંશજો પંચાણું

²⁶બેથલેહેમ તથા નટોફાથી એકસો ઈઠ્યાસી,

²⁷અનાથોથના વંશજો એકસો ઈઠ્યાસી,

²⁸બેથ-આઝમાવેથના વંશજો બેતાળીસ,

²⁹કિર્યાથ-યઆરીમના કફીરાના તથા બએરોથના વંશજો સાતસો તેંતાળીસ,

³⁰રામા તથા ગેબાના વંશજો છસો એકવીસ,

³¹મિખ્માસના વંશજો એકસો બાવીસ,

³²બેથેલના તથા આયના વંશજો એકસો ત્રેવીસ,

³³નબોના વંશજો બાવન,

³⁴બીજા એલામના વંશજો એક હજાર બસો ચોપન,

³⁵હારીમના વંશજો ત્રણસો વીસ,

³⁶યરીખોના વંશજો ત્રણસો પિસ્તાળીસ,

³⁷લોદના, હાદીદના તથા ઓનોના વંશજો સાતસો એકવીસ,

³⁸સનાઆહના વંશજો ત્રણ હજાર નવસો ત્રીસ.

³⁹યાજકો: યદાયાના વંશજો, યેશૂઆના કુટુંબનાં નવસો તોંતેર,

⁴⁰ઇમ્મેરના વંશજો એક હજાર બાવન,

⁴¹પાશહૂરના વંશજો એક હજાર બસો સુડતાળીસ,

⁴²હારીમના વંશજો એક હજાર સત્તર,

⁴³લેવીઓ: યેશૂઆના તથા કાદ્મીએલના વંશજો, હોદૈયાના વંશજોમાંના ચુંમોતેર.

⁴⁴ગાનારાઓ: આસાફના વંશજો એકસો અડતાળીસ.

⁴⁵દ્વારપાળો: શાલ્લુમના વંશજો, આટેરના વંશજો, ટાલ્મોનના વંશજો, આક્કૂબના વંશજો, હટીટાના વંશજો અને શોબાયના વંશજો એક સો આડત્રીસ.

⁴⁶ભક્તિસ્થાનના સેવકો: સીહાના વંશજો, હસૂફાના વંશજો, ટાબ્બાઓથના વંશજો,

⁴⁷કેરોસના વંશજો, સીઆના વંશજો, પાદોનના વંશજો,

⁴⁸લબાનાના વંશજો, હગાબાના વંશજો, શાલ્માયના વંશજો,

⁴⁹હાનાનના વંશજો, ગિદેલના વંશજો, ગાહારના વંશજો.

⁵⁰રાયાના વંશજો, રસીનના વંશજો, નકોદાના વંશજો,

⁵¹ગાઝ્ઝામના વંશજો, ઉઝઝાના વંશજો, પાસેઆના વંશજો,

⁵²બેસાયના વંશજો, મેઉનીમના વંશજો, નફૂશશીમના વંશજો.

⁵³બાકબૂકના વંશજો, હાકૂફાના વંશજો, હાર્હૂરના વંશજો,

⁵⁴બાસ્લીથના વંશજો, મહિદાના વંશજો, હાર્શાના વંશજો,

⁵⁵કાર્કોસના વંશજો, સીસરાના વંશજો, તેમાના વંશજો,

⁵⁶નસીઆના વંશજો અને હટીફાના વંશજો.

⁵⁷સુલેમાનના સેવકોના વંશજો: સોટાયના વંશજો, સોફેરેથના વંશજો, પરીદાના વંશજો,

⁵⁸યાલાના વંશજો, દાર્કોનના વંશજો, ગિદ્દેલના વંશજો,

⁵⁹શફાટયાના વંશજો, હાટ્ટીલના વંશજો, પોખરેથ-હાસ્સબાઈમના વંશજો અને આમોનના વંશજો.

⁶⁰ભક્તિસ્થાનના સેવકો તથા સુલેમાનના સર્વ સેવકો મળીને ત્રણસો બાણું હતા.

⁶¹તેલમેલા, તેલ-હાર્શા, કરુબ, આદ્દોન તથા ઈમ્મેરમાંથી જેઓ પાછા આવ્યા હતા તે આ છે: પણ તેઓ ઇઝરાયલીઓમાંના હતા કે નહિ એ વિષે તેઓ પોતપોતાના પૂર્વજોના કુટુંબો તથા પોતપોતાના વંશજો બતાવી શક્યા નહિ.

⁶²દલાયાના વંશજો, ટોબિયાના વંશજો તથા નકોદાના વંશજો છસો બેતાળીસ.

⁶³યાજકોમાંના: હબાયાના વંશજો, હાક્કોસના વંશજો અને બાર્ઝિલ્લાયના વંશજો. (બાર્ઝિલ્લાયે ગિલ્યાદી દીકરીઓમાંથી એકની સાથે લગ્ન કર્યું હતું, તેથી તેઓનાં નામ પરથી તેનું નામ એ પડ્યું.)

⁶⁴જેઓ વંશાવળી પ્રમાણે ગણવામાં આવ્યા તેઓમાં તેઓએ પોતાની નોંધ શોધી, પણ તે મળી નહિ, માટે તેઓ યાજકપદમાંથી ફરિગ કરાયા.

⁶⁵આગેવાનોએ તેઓને કહ્યું કે ઉરીમ અને તુમ્મીમ ધારણ કરનાર એક યાજક ઊભો થાય નહિ ત્યાં સુધી તેઓએ પરમપવિત્ર વસ્તુઓમાંથી ખાવું નહિ.

⁶⁶સર્વ લોકો મળીને બેતાળીસ હજાર ત્રણસો સાઠ માણસો હતા.

⁶⁷તે ઉપરાંત તેઓના દાસો તથા દાસીઓ મળીને સાત હજાર ત્રણસો સાડત્રીસ હતા. તેઓમાં ગાનારાઓ તથા ગાનારીઓ બસો પિસ્તાળીસ હતા.

⁶⁸તેઓના ઘોડા સાતસો છત્રીસ હતા, તેઓનાં ખચ્ચર બસો પિસ્તાળીસ હતાં,

⁶⁹તેઓનાં ઊંટો ચારસો પાંત્રીસ અને તેઓના ગધેડાં છ હજાર સાતસો વીસ હતાં.

⁷⁰પૂર્વજોનાં કુટુંબોમાંના મુખ્ય આગેવાનોમાંથી કેટલાકે આ કામને માટે ભેટ આપી હતી. મુખ્ય સૂબાએ એક હજાર દારીક સોનું, પચાસ પાત્રો અને પાંચસો ત્રીસ યાજકવસ્ત્રો ભંડારમાં આપ્યાં હતા.

⁷¹પૂર્વજોનાં કુટુંબોના આગેવાનોમાંથી કેટલાકે વીસ હજાર દારીક સોનું તથા બે હજાર બસો માનેહ ચાંદી ભંડારમાં આપ્યાં હતાં.

⁷²બાકીના લોકોએ જે આપ્યું તે વીસ હજાર દારીક, બે હજાર માનેહ ચાંદી તથા સડસઠ યાજકવસ્ત્ર હતાં.

⁷³તેથી યાજકો, લેવીઓ, દ્વારપાળો, ગાનારાઓ, ભક્તિસ્થાનના સેવકો, કેટલાક લોકો, તથા સર્વ ઇઝરાયલીઓ પોતપોતાનાં નગરોમાં વસ્યા. સાતમા માસમાં ઇઝરાયલી લોકો પોતપોતાના નગરોમાં આવીને વસ્યા."