Read gungbe Gẹnẹsisi 5 Bible Online

Gẹnẹsisi 5 - gungbe bible

Gẹnẹsisi 5

¹Wannan shi ne littafin asalin Adamu. A sa'ad da Allah ya halicci mutum, ya yi shi cikin siffar Allah.

²Namiji da ta mace ya halicce su, ya sa musu albarka, ya sa musu suna, Mutum, sa'ad da aka halicce su.

³Da Adamu ya yi shekara ɗari da talatin, ya haifi ɗa cikin kamanninsa da cikin siffarsa, ya kuwa sa masa suna Shitu.

⁴Bayan da Adamu ya haifi ɗansa Shitu, ya yi shekara ɗari takwas, sa'an nan ya haifi 'ya'ya mata da maza.

⁵Haka nan kuwa dukan kwanakin Adamu shekara ce ɗari tara da talatin, ya rasu.

⁶Da Shitu ya yi shekara ɗari da biyar, ya haifi Enosh.

⁷Bayan da Shitu ya haifi Enosh ya rayu shekara ɗari takwas da bakwai, ya haifi 'ya'ya mata da maza.

⁸Haka nan kuwa dukan kwanakin Shitu shekara ce ɗari tara da goma sha biyu, ya rasu.

⁹Da Enosh ya yi shekara tasa'in, ya haifi Kenan.

¹⁰Bayan Enosh ya haifi Kenan ya rayu shekara ɗari takwas da goma sha biyar, ya kuma haifi 'ya'ya mata da maza.

¹¹Haka nan kuwa dukan kwanakin Enosh shekara ce ɗari tara da biyar, ya rasu.

¹²Sa'ad da Kenan ya yi shekara saba'in, ya haifi Mahalalel.

¹³Bayan da Kenan ya haifi Mahalalel ya yi shekara ɗari takwas da arba'in, ya kuma haifi 'ya'ya mata da maza.

¹⁴Haka nan kuwa dukan kwanakin Kenan shekara ce ɗari tara da goma, ya rasu.

¹⁵Sa'ad da Mahalalel ya yi shekara sittin da biyar ya haifi Yared.

¹⁶Bayan da Mahalalel ya haifi Yared, ya yi shekara ɗari takwas da talatin, ya kuma haifi 'ya'ya mata da maza.

¹⁷Haka nan kuwa dukan kwanakin Mahalalel shekara ce ɗari takwas da tasa'in da biyar, ya rasu.

¹⁸Sa'ad da Yared ya yi shekara ɗari da sittin da biyu, ya haifi Anuhu.

¹⁹Bayan da Yared ya haifi Anuhu ya yi shekara ɗari takwas ya haifi 'ya'ya mata da maza.

²⁰Haka nan kuwa dukan kwanakin Yared shekara ce ɗari tara da sittin da biyu, ya rasu.

²¹Sa'ad da Anuhu ya yi shekara sittin da biyar, ya haifi Metusela.

²²Bayan da Anuhu ya haifi Metusela, ya yi tafiya tare da Allah shekara ɗari uku ya haifi 'ya'ya mata da maza.

²³Haka nan kuwa dukan kwanakin Anuhu shekara ce ɗari uku da sittin da biyar.

²⁴Anuhu ya yi tafiya tare da Allah, Allah kuwa ya ɗauke shi, ba a ƙara ganinsa ba.

²⁵Sa'ad da Metusela ya yi shekara ɗari da tamanin da bakwai, ya haifi Lamek.

²⁶Bayan da Metusela ya haifi Lamek ya yi shekara ɗari bakwai da tamanin da biyu, ya haifi 'ya'ya mata da maza.

²⁷Haka nan kuwa dukan kwanakin Metusela shekara ce ɗari tara da sittin da tara, ya rasu.

²⁸Sa'ad da Lamek ya yi shekara ɗari da tamanin da biyu, ya haifi ɗa,

²⁹ya sa masa suna Nuhu, yana cewa, “Daga gare shi za mu sami sauƙin aikinmu da wahalar hannuwanmu a ƙasar da Ubangiji ya la'anta.”

³⁰Bayan da Lamek ya haifi Nuhu ya yi shekara ɗari biyar da tasa'in da biyar, ya haifi 'ya'ya mata da maza.

³¹Haka nan kuwa dukan kwanakin Lamek shekara ce ɗari bakwai da saba'in da bakwai, ya rasu.

³²Sa'ad da Nuhu ya yi shekara ɗari biyar, ya haifi Shem, da Ham, da Yafet.