Read gungbe PSALM 108 Bible Online

PSALM 108 - gungbe bible

PSALM 108

¹A shirye nake, ya Allah, Na shirya sosai! Zan raira waƙa in yabe ka! Ka farka, ya raina!

²Ku farka, ya molona da garayata! Zan farkar da rana!

³Zan yi maka godiya a tsakiyar sauran al'umma, ya Ubangiji! Zan yabe ka a tsakiyar kabilai!

⁴Madawwamiyar ƙaunarka ta kai har can saman sammai, Amincinka kuma ya kai sararin sammai.

⁵Ya Allah, ka bayyana girmanka a sararin sama, Ɗaukakarka kuma a bisa dukan duniya!

⁶Ka cece mu da ƙarfinka, ka amsa addu'ata, Domin jama'ar da kake ƙauna ta sami cetonka.

⁷A tsattsarkan wurinsa, Allah ya faɗa ya ce, “Da nasara zan raba Shekem, Da nasara kuma zan rarraba Sukkot ga jama'ata.

⁸Gileyad tawa ce, har da Manassa ma, Ifraimu ne kwalkwalina, Yahuza kuma sandana ne na sarauta.

⁹Amma zan yi amfani da Mowab kamar kwanon wanki, Edom kuwa kamar akwatin takalmina. Zan yi sowar nasara a kan Filistiyawa.”

¹⁰Ya Allah, wa zai kai ni birni mai kagara? Wa zai kai ni Edom?

¹¹Da gaske ka yashe mu ke nan? Ba za ka yi tafiya Tare da sojojinmu ba?

¹²Ka taimake mu, mu yaƙi abokin gāba, Domin taimako irin na mutum banza ne!

¹³Idan Allah yana wajenmu, Za mu yi nasara, Zai kori abokan gābanmu.