Read gungbe PSALM 140 Bible Online

PSALM 140 - gungbe bible

PSALM 140

¹Ka cece ni daga mugaye, ya Ubangiji, Ka kiyaye ni daga mutane masu hargitsi.

²Kullum suna shirya mugunta, Kullum suna kawo tashin hankali.

³Harsunansu kamar macizai masu zafin dafi, Kalmominsu kuwa kamar dafin gamsheƙa ne.

⁴Ka tsare ni daga ikon masu mugunta, ya Ubangiji, Ka kiyaye ni daga masu tashin hankali, Waɗanda suke shirya fāɗuwata.

⁵Masu girmankai sun kafa mini tarko, Sun shimfiɗa ragar igiya, Sun kuma kakkafa tarkuna a hanya don su kama ni.

⁶Na ce wa Ubangiji, “Kai ne Allahna. Ka ji kukana na neman taimako, ya Ubangiji!

⁷Ya Ubangiji, Allahna, Mai Cetona, mai ƙarfi, Kā kiyaye ni cikin yaƙi.

⁸Ya Ubangiji, kada ka biya wa mugaye burinsu, Kada ka bar mugayen dabaru su yi nasara!

⁹“Kada ka bar maƙiyana su sami nasara, Ka sa kashedin da suke yi mini yă koma kansu.

¹⁰Ka sa garwashin wuta yă zubo a kansu, Ka sa a jefa su a rami, kada su ƙara fita.

¹¹Ka sa waɗanda suke saran waɗansu a ƙaryace, Kada su yi nasara. Ka sa mugunta ta hallaka mutumin da yake ta da zaune tsaye.”

¹²Na sani kai, ya Ubangiji, kana kāre matsalar talakawa, Da hakkin matalauta.

¹³Hakika adalai za su yabe ka, Za su zauna a gabanka.