Read gungbe PSALM 146 Bible Online

PSALM 146 - gungbe bible

PSALM 146

¹Yabo ya tabbata ga Ubangiji! Ka yabi Ubanigji, ya raina!

²Zan yabe shi muddin raina. Zan raira waƙa ga Allahna dukan kwanakina.

³Kada ka dogara ga shugabanni, Ko kowane mutum da ba zai iya cetonka ba.

⁴Sa'ad da suka mutu sai su koma turɓaya, A wannan rana dukan shirye-shiryensu sun ƙare.

⁵Mai farin ciki ne mutumin da Allah na Yakubu ne yake taimakonsa, Yana kuma dogara ga Ubangiji Allahnsa,

⁶Wanda ya halicci sama, da duniya, da teku, Da dukan abin da yake cikinsu. Kullum yakan cika alkawaransa.

⁷A yanke shari'arsa yakan ba wanda aka zalunta gaskiya. Yana ba da abinci ga mayunwata. Ubangiji yakan kuɓutar da ɗaurarru.

⁸Yakan ba makafi ganin gari. Yakan ɗaukaka waɗanda aka wulakanta. Yana ƙaunar jama'arsa, adalai.

⁹Yakan kiyaye baƙi waɗanda suke zaune a ƙasar. Yakan taimaki gwauraye, wato matan da mazansu suka mutu, da marayu. Yakan lalatar da dabarun mugaye.

¹⁰Ubangiji Sarki ne har abada! Ya Sihiyona, Allahnki zai yi mulki har dukan zamanai! Yabo Ya tabbata ga Ubangiji!