Read gungbe PSALM 16 Bible Online

PSALM 16 - gungbe bible

PSALM 16

¹Ya Allah, ka kiyaye ni, gama na zo gare ka neman mafaka.

²Na ce wa Ubangiji, “Kai ne Ubangijina, Dukan kyawawan abubuwan da nake da su Daga gare ka suke.”

³Dubi irin martabar da amintattun jama'ar Ubangiji suke da ita! Ba abin da raina ya fi so, Sai in zauna tare da su.

⁴Waɗanda suke hanzari zuwa ga gumaka, Za su jawo wa kansu wahala. Ba zan yi tarayya da su da hadayarsu ba. Ba zan yi sujada ga gumakansu ba.

⁵Kai ne kaɗai, nake da shi, ya Ubangiji, Kai ne kake biyan dukan bukatata, Raina yana hannunka.

⁶Kyautanka zuwa gare ni da bansha'awa suke, Kyawawa ne kuwa ƙwarai!

⁷Na yabi Ubangiji saboda yana bi da ni, Da dare kuma lamirina yana yi mini fadaka.

⁸A kullum ina jin Ubangiji yana tare da ni, Yana nan kusa, ba abin da zai girgiza ni.

⁹Don haka cike nake da murna da farin ciki, Kullum kuwa ina jin kome lafiya yake,

¹⁰Saboda ba za ka yarda in shiga lahira ba, Ba za ka bar wanda kake ƙauna a zurfafa daga ƙarƙas ba.

¹¹Za ka nuna mini hanyar rai, Kasancewarka takan sa in cika da farin ciki, Taimakonka kuwa yana kawo jin daɗi har abada.