Read gungbe PSALM 36 Bible Online

PSALM 36 - gungbe bible

PSALM 36

¹Zunubi yakan yi magana da mugun daga can gindin zuciyarsa, Yakan ƙi Allah, ba ya jin tsoronsa.

²Domin yana ganin kansa shi wani abu ne, A tsammaninsa Allah ba zai tona asirinsa ba, Ya hukunta zunubinsa.

³Maganarsa mugunta ce cike da ƙarairayi, Ba shi da sauran isasshiyar hikima da zai aikata nagarta.

⁴Yana ƙulla mugunta lokacin da yake kwance a gadonsa, Halinsa ba shi da kyau, Ba ya ƙin abin da yake mugu.

⁵Madawwamiyar ƙaunarka, ya Ubangiji, Ta kai har sammai, Amincinka ya kai sararin sammai.

⁶Adalcinka kafaffe ne, Kamar manyan duwatsu. Hukuntanka kamar teku mai zurfi suke. Ya Ubangiji, kai kake lura da mutane da dabbobi.

⁷Ina misalin darajar madawwamiyar ƙaunarka, ya Ubangiji! Mutane sukan sami mafaka a ƙarƙashin fikafikanka.

⁸Sukan yi biki da yalwataccen abincin da yake Haikalinka, Kakan shayar da su daga koginka na alheri.

⁹Kai ne mafarin dukan rai, Saboda haskenka ne kuma, muke ganin haske,

¹⁰Ka yi ta ƙaunar waɗanda suka san ka, Ka yi wa adalai alheri.

¹¹Kada ka bar masu girmankai su fāɗa mini, Kada ka bar mugaye su kore ni.

¹²Dubi inda mugaye suka fāɗi! Can suka kwanta, ba su iya tashi.