Read gungbe PSALM 57 Bible Online

PSALM 57 - gungbe bible

PSALM 57

¹Ka yi mini jinƙai, ya Allah, ka yi jinƙai, Gama na zo gare ka neman tsira. Zan sami kāriya a ƙarƙashin fikafikanka, Sai dukan hatsari ya wuce.

²Zan yi kira ga Allah, Maɗaukaki, Zan yi kira ga Allah, mai biyan dukan bukatata.

³Daga sammai Allah zai amsa mini, Zai kori waɗanda suka tasar mini, Allah zai nuna mini madawwamiyar ƙaunarsa da amincinsa.

⁴Raina yana tsakiyar zakoki, Na kwanta a tsakiyar waɗanda suka yi niyyar cinye mutane. Haƙoransu kamar māsu da kibau suke, Harsunansu masu kaifi ne kamar takobi.

⁵Ka bayyana girmanka ya Allah, a sararin sama, Ɗaukakarka kuma a bisa dukan duniya!

⁶Maƙiyana sun kafa tarko don su kama ni, Damuwa ta fi ƙarfina. Sun yi wushefe a kan hanyata, Amma su da kansu suka fāɗa a ciki.

⁷A shirye nake, ya Allah, Na shirya sosai! Zan raira waƙoƙi in yabe ka!

⁸Ka farka, ya raina! Ku farka, molona da garayata! Zan sa rana ta farka!

⁹Zan gode maka a cikin sauran al'umma, ya Ubangiji! Zan yabe ka a cikin jama'a!

¹⁰Madawwamiyar ƙaunarka ta kai har sammai, Amincinka kuma har sararin sammai.

¹¹Ka bayyana girmanka, ya Allah, a sararin sama, Ɗaukakarka kuma a bisa dukan duniya!