Read gungbe PSALM 60 Bible Online

PSALM 60 - gungbe bible

PSALM 60

¹Ka rabu da mu, ya Allah, har aka ci nasara a kanmu, Ka yi fushi da mu, amma yanzu sai ka juyo wurinmu!

²Ka sa ƙasar ta girgiza, ka tsaga ta. Yanzu sai ka warkar da tsaguwarta, gama tana gab da fāɗuwa!

³Ka sa jama'arka su sha wahala ƙwarai, Ka ba mu ruwan inabin da ya bugar da mu.

⁴Ka ta da tuta ga masu tsoronka, Domin su juya su gudu daga abokin gāba.

⁵Ka cece mu da ƙarfinka, ka amsa addu'ata, Domin jama'ar da kake ƙauna ta sami cetonka.

⁶A tsattsarkan wurinsa, Allah ya faɗa ya ce, “Da nasara zan raba Shekem, Da nasara kuma zan rarraba Sukkot ga jama'ata.

⁷Gileyad tawa ce, har da Manassa ma, Ifraimu ne kwalkwalina, Yahuza kuma sandana ne na sarauta.

⁸Amma zan yi amfani da Mowab kamar kwanon wanki, Edom kuwa kamar akwatin takalmina. Zan yi sowar nasara a kan Filistiyawa.”

⁹Ya Allah, wa zai kai ni birni mai kagara? Wa zai kai ni Edom?

¹⁰Da gaske ka yashe mu ke nan? Ba za ka yi tafiya tare da sojojinmu ba?

¹¹Ka taimake mu, mu yaƙi abokan gāba, Domin taimako irin na mutum banza ne!

¹²Idan Allah yana wajenmu, Za mu yi nasara, Zai kori abokan gābanmu.