Read gungbe PSALM 8 Bible Online

PSALM 8 - gungbe bible

PSALM 8

¹Ya Ubangiji, Ubangijinmu, An san girmanka ko'ina a dukan duniya. Yabonka ya kai har sammai,

²Yara da jarirai suna raira shi, Ka gina kagara saboda magabtanka, Domin ka tsai da maƙiyanka da abokan gābanka.

³Sa'ad da na duba sararin sama, wanda ka yi, Da wata da taurari waɗanda ka sa a wuraren zamansu,

⁴Wane ne mutum, har da kake tunawa da shi, Mutum kurum, har da kake lura da shi?

⁵Duk da haka in banda kai ba wanda ya fi shi, Ka naɗa shi da daraja da girma!

⁶Ka sa shi ya yi mulkin dukan abin da ka halitta, Ka ɗora shi a kan dukan abubuwa,

⁷Tumaki da shanu, har ma da namomin jeji,

⁸Da tsuntsaye da kifaye, Da dukan halittar da suke cikin tekuna.

⁹Ya Ubangiji, Ubangijinmu, An san girmanka ko'ina a dukan duniya!