Read gungbe PSALM 82 Bible Online

PSALM 82 - gungbe bible

PSALM 82

¹Allah yana matsayinsa a taron jama'arsa, Yakan zartar da nufinsa a taron alloli.

²Tilas ku daina yin rashin gaskiya a shari'a, Ku daina goyon bayan mugaye!

³Ku kāre hakkin talakawa da na marayu, Ku yi adalci ga matalauta, Da waɗanda ba su da mataimaki.

⁴Ku kuɓutar da talakawa da matalauta, Ku cece su daga ikon mugaye!

⁵“Waɗanne irin jahilai ne ku, wawaye! Kuna zaune cikin duhu, Ga shi, ba adalci a duniya sam!

⁶Na faɗa muku, ku alloli ne, Cewa dukanku 'ya'ya ne na Maɗaukaki.

⁷Amma za ku mutu kamar kowane mutum, Ku fāɗi kamar kowane basarauce.”

⁸Ya Allah, ka zo, ka mallaki duniya, Dukan al'ummai naka ne.