Read gungbe PSALM 88 Bible Online

PSALM 88 - gungbe bible

PSALM 88

¹Ya Ubangiji Allah, Mai Cetona, Duk yini ina ta kuka, Da dare kuma na zo gare ka.

²Ka ji addu'ata, Ka kasa kunne ga kukana na neman taimako!

³Wahala mai yawa ta auko mini, Har ina gab da mutuwa.

⁴Ina daidai da sauran mutanen da suke gab da mutuwa, Dukan ƙarfina ya ƙare.

⁵An yashe ni a cikin matattu, Kamar waɗanda aka karkashe, Suna kuma kwance cikin kaburburansu, Waɗanda ka manta da su ɗungum, Waɗanda taimakonka ya yi musu nisa.

⁶Ka jefar da ni cikin zurfin kabari, Da cikin rami mafi zurfi, mafi duhu.

⁷Fushinka yana da nauyi a kaina, An turmushe ni a cikin tuƙuƙinka.

⁸Ka sa abokaina su yashe ni, Ka sa sun ware ni. An kange ni, ba yadda zan kuɓuta.

⁹Idanuna sun raunana saboda wahala. Ya Ubangiji, kowace rana ina kira gare ka, Ina ta da hannuwana zuwa gare ka da addu'a!

¹⁰Kakan yi wa matattu mu'ujizai ne? Sukan tashi su yabe ka?

¹¹Akan yi maganar madawwamiyar ƙaunarka a kabari? Ko amincinka a inda ake hallaka?

¹²Za a iya ganin mu'ujizanka a cikin duhu? Ko kuwa alherinka a lahira?

¹³Ya Ubangiji, ina kira gare ka, neman taimako, Kowace safiya nakan yi addu'a gare ka.

¹⁴Me ya sa ka yashe ni, ya Ubangiji? Me ya sa ka ɓoye kanka daga gare ni?

¹⁵Tun ina ƙarami nake shan wahala, Har ma na kusa mutuwa, Na tafke saboda nauyin hukuncinka.

¹⁶Hasalarka ta bi ta kaina, Tasar mini da kake ta yi, ta hallaka ni.

¹⁷Dukan yini sun kewaye ni kamar rigyawa, Ta kowace fuska, sun rufe ni.

¹⁸Ka sa har abokaina na kusa sun yashe ni, Duhu ne kaɗai abokin zamana.