Read gungbe HÓWHÍNWHÉN LẸ 20 Bible Online

HÓWHÍNWHÉN LẸ 20 - gungbe bible

HÓWHÍNWHÉN LẸ 20

¹Ruwan inabi da barasa sukan sa ka ka yi ta tā da murya, ka zama wawa. Wauta ce mutum ya bugu.

²Ka ji tsoron fushin sarki kamar yadda za ka ji tsoron zaki mai ruri, sa shi ya yi fushi kashe kai ne.

³Kowane wawa yakan fara yin jayayya, abin da ya fi daraja shi ne ka fita ka ware kanka.

⁴Manomin da ya cika lalaci, ya kasa nome gonakinsa a kan kari, a lokacin girbi ba zai sami kome ba.

⁵Tunanin mutum kamar ruwa yake a rijiya mai zurfi, sai mai basira ya iya ya jawo shi.

⁶Kowa gani yake shi mai biyayya ne, mai aminci. Amma ina? Ko ka yi ƙoƙari ka sami amintacce ɗaya daga cikinsu, ba za ka samu ba.

⁷'Ya'yan da mahaifinsu amintacce ne, wanda yake aikata abin da yake daidai, sun yi sa'a.

⁸Sarkin da yake yin shari'a ta gaskiya, da ganin mugunta ya san ta.

⁹Wane ne zai iya cewa lamirinsa garau yake, har da zai ce ya rabu da zunubinsa?

¹⁰Allah yana ƙin masu ma'aunin algus.

¹¹Ayyukan da saurayi yake yi suke bayyana yadda yake, kana iya sani ko shi amintacce ne, mai nagarta.

¹²Ubangiji ya ba mu ido don mu gani, ya ba mu kunne don mu ji.

¹³Idan barci ne sana'arka za ka talauce. Ka yi ta aiki za ka sami wadataccen abinci.

¹⁴Mai saye yakan yi kukan tsada a kullum, amma yakan tafi ya yi ta fāriya a kan ya iya ciniki.

¹⁵In ka san abin da kake faɗa, kana da wani abu wanda ya fi zinariya da lu'ulu'ai tamani.

¹⁶Sai wawa kaɗai yake ɗaukar lamunin biyan basusuwan da baƙo ya ci, ya kamata a karɓi dukiyarsa jingina.

¹⁷Abin da ka samu ta hanyar zamba kakan ji daɗinsa kamar abinci mai kyau, amma ko ba jima ko ba daɗe zai zama kamar yashi cike da bakinka.

¹⁸Ka nemi kyakkyawar shawara za ka yi nasara, kada ka jefa kanka cikin yaƙi ba tare da shiri ba.

¹⁹Mai baza jita-jita ba shi da asiri, ka yi nesa da mai yawan surutu.

²⁰Idan ka zagi iyayenka, za ka mutu kamar fitilar da ta mutu cikin duhu.

²¹Dukiyar da aka same ta a sawwaƙe, amfaninta kaɗan ne.

²²Kada ka ɗaukar wa kanka fansa, ka dogara ga Ubangiji shi zai yi sakamako.

²³Ubangiji yana ƙin waɗanda suke awo da ma'aunin algus.

²⁴Ubangiji ya ƙayyade hanyoyinmu, ta ƙaƙa wani zai ce ya fahimci rai?

²⁵Ka yi tunani a hankali kafin ka yi wa'adi za ka miƙa wa Allah wani abu, mai yiwuwa ne ka yi da na sani nan gaba.

²⁶Sarki mai hikima zai bincika ya gane waɗanda suke aikata mugunta, ya hukunta su ba tausayi.

²⁷Ubangiji ne ya ba mu hankali da lamiri, ba za mu iya ɓoye masa ba.

²⁸Sarki zai zauna dafa'an cikin mulkinsa muddin yana mulki da aminci, da adalci, da daidaita.

²⁹Ƙarfin samari abin darajantawa ne, furfurar tsofaffi abar girmamawa ce.

³⁰Wani lokaci sai mun sha wuya muke sāke hanyoyinmu.