Read gungbe HÓWHÍNWHÉN LẸ 9 Bible Online

HÓWHÍNWHÉN LẸ 9 - gungbe bible

HÓWHÍNWHÉN LẸ 9

¹Hikima ta gina gidanta, ta yi masa ginshiƙai bakwai.

²Ta sa an yanka dabba don biki, ta gauraya ruwan inabi da kayan yaji, ta shirya tebur.

³Ta aiki barorinta 'yan mata su je su hau wuri mafi tsayi a birni su yi kira.

⁴“Ku shigo, ku jahilai!” Ga dolo kuwa ta ce,

⁵“Zo ka ci abincina ka sha ruwan inabin da na gauraya.

⁶Ka rabu da ƙungiyar jahilai, ka rayu, ka bi hanyar ilimi.”

⁷Idan ka kwaɓi mai fāriya, za ka gamu da cin mutunci, idan ka tsauta wa mugu, kai ne za ka cutu.

⁸Faufau kada ka kuskura ka kwaɓi mai fāriya, zai ƙi ka saboda wannan, amma idan ka kwaɓi mai hikima zai girmama ka.

⁹Dukan abin da ka faɗa wa mutum mai hikima, zai ƙara masa hikima. Dukan abin da ka faɗa wa adali zai ƙara masa ilimi.

¹⁰Domin ka zama mai hikima dole ka fara da tsoron Ubangiji. Idan ka san Mai Tsarki, ka sami ganewa.

¹¹Hikima za ta ƙara shekarunka.

¹²Kai ne da riba in ka sami hikima. Kai za ka sha hasara in ka ƙi ta.

¹³Wawanci kamar mace ce mai kwakwazo, jahila, marar kunya.

¹⁴Takan zauna a ƙofar gidanta, ko a wurin da ya fi duka bisa a cikin gari.

¹⁵Takan yi ta kiran masu wucewa waɗanda hankalinsu yake a kan ayyukansu, ta ce,

¹⁶“Ku shigo, ku jahilai!” Takan ce wa dolo,

¹⁷“Ruwan da aka sata ya fi daɗi, haka nan kuma abincin da ake satar ya fi daɗi.”

¹⁸Waɗanda suka fāɗa a hannunta ba su sani mutuwa za su yi ba, waɗanda suka riga sun shiga kuwa suna can sun nutse cikin lahira.