Read gungbe Osọha lẹ 26 Bible Online

Osọha lẹ 26 - gungbe bible

Osọha lẹ 26

¹Bayan annobar, sai Ubangiji ya ce wa Musa da Ele'azara, ɗan Haruna, firist,

²“Ku ƙidaya dukan taron jama'ar Isra'ila tun daga mai shekara ashirin zuwa gaba bisa ga gidajen ubanninsu. Ku ƙidaya duk wanda ya isa zuwa yaƙi a cikin Isra'ilawa.”

³Sai Musa da Ele'azara, firist, suka yi musu magana a filayen Mowab daura da Yariko, suka ce,

⁴“A ƙidaya mutane tun daga mai shekara ashirin zuwa gaba kamar yadda Ubangiji ya umarta.” Isra'ilawa waɗanda suka fita daga ƙasar Masar ke nan.

⁵Ra'ubainu shi ne ɗan fari na Yakubu. 'Ya'yan Ra'ubainu, maza, su ne Hanok, da Fallu,

⁶da Hesruna, da Karmi.

⁷Waɗannan yawansu ya kai dubu arba'in da uku da ɗari bakwai da talatin (43,730).

⁸Fallu ya haifi Eliyab.

⁹'Ya'yan Eliyab, maza su ne Yemuwel, da Datan, da Abiram. Datan da Abiram ne aka zaɓa daga cikin taron jama'ar, suna cikin ƙungiyar Kora wadda ta tayar wa Musa da Haruna, har ma da Ubangiji.

¹⁰Ƙasa kuwa ta buɗe ta haɗiye su tare da Kora. Wuta kuma ta cinye sauran mutanen ƙungiyar, mutum ɗari biyu da hamsin suka mutu. Suka zama abin faɗakarwa.

¹¹Amma 'ya'yan Kora ba su mutu ba.

¹²'Ya'yan Saminu, maza, bisa ga iyalansu, su ne Yemuwel, da Yamin, da Yakin,

¹³da Zohar, da Shawul. Waɗannan su ne iyalan kabilar Saminu.

¹⁴Yawansu ya kai mutum dubu ashirin da biyu da ɗari biyu (22,200).

¹⁵Zuriyar Gad bisa ga iyalansu, su ne Zifiyon, da Haggi, da Shuni,

¹⁶da Ezbon, da Eri,

¹⁷da Arodi, da Areli.

¹⁸Waɗannan su ne iyalan kabilar Gad. Yawan mutanensu ya kai dubu arba'in da ɗari biyar (40,500).

¹⁹Kabilar Yahuza ke nan, (Er, da Onan, 'ya'yan Yahuza sun mutu a ƙasar Kan'ana).

²⁰Sauran 'ya'yansa bisa ga iyalansu su ne, Shela, da Feresa, da Zera,

²¹da Hesruna, da Hamul.

²²Waɗannan su ne iyalan kabilar Yahuza. Yawan mutanensu ya kai dubu saba'in da shida da ɗari biyar (76,500).

²³Kabilar Issaka ke nan bisa ga iyalansu, da Tola, da Fuwa,

²⁴da Yashub, da Shimron.

²⁵Waɗannan su ne iyalan kabilar Issaka. Yawansu ya kai mutum dubu sittin da huɗu da ɗari uku (64,300).

²⁶Kabilar Zabaluna ke nan bisa ga iyalansu, Sered, da Elon, da Yaleyel.

²⁷Waɗannan su ne iyalan kabilar Zabaluna. Yawansu ya kai mutum dubu sittin da ɗari biyar (60,500).

²⁸Kabilar Yusufu ke nan bisa ga iyalansu, wato Manassa da Ifraimu.

²⁹Kabilar Manassa, su ne Makir ɗan Manassa. Makir ya haifi Gileyad wanda ya zama tushen zuriyar Gileyad.

³⁰'Ya'yan Gileyad, maza su ne Abiyezer, da Helek,

³¹da Asriyel, da Shekem,

³²da Shemida, da Hefer.

³³Zelofehad, ɗan Hefer, ba shi da 'ya'ya maza, sai dai 'ya'ya mata. Sunayen 'ya'yansa mata su ne Mala, da Nowa, da Hogla, da Milka, da Tirza.

³⁴Waɗannan su ne iyalan kabilar Manassa. Yawansu ya kai mutum dubu hamsin da biyu da ɗari bakwai (52,700).

³⁵Waɗannan su ne kabilar Ifraimu bisa ga iyalansu, Shutela, da Beker, da Tahat.

³⁶Iyalin Eran suna lasafta kansu, daga zuriyar Shutela ne.

³⁷Waɗannan su ne iyalan kabilar Ifraimu. Yawansu ya kai dubu talatin da biyu da ɗari biyar (32,500).

³⁸Kabilar Biliyaminu ke nan bisa ga iyalansu, Bela, da Ashbel, da Ahiram,

³⁹da Shuffim, da Huffim.

⁴⁰Iyalin Adar da na Na'aman suna lasafta kansu, su daga zuriyar Bela ne.

⁴¹Waɗannan su ne 'ya'yan Biliyaminu bisa ga iyalansu. Yawansu ya kai mutum dubu arba'in da biyar da ɗari shida (45,600).

⁴²Waɗannan su ne kabilar Dan bisa ga iyalansu, Hushim. Waɗannan su ne iyalan kabilar Dan.

⁴³Yawansu ya kai dubu sittin da huɗu da ɗari huɗu (64,400).

⁴⁴Kabilar Ashiru ke nan bisa ga iyalansu, Yimna, da Yishwi, da Beriya.

⁴⁵Iyalin Beriya kuwa sune Eber, da Malkiyel, suna lasafta kansu a zuriyar Beriya.

⁴⁶Sunan 'yar Ashiru Sera.

⁴⁷Waɗannan su ne iyalan kabilar Ashiru. Yawansu ya kai mutum dubu hamsin da uku da ɗari huɗu (53,400).

⁴⁸Kabilar Naftali ke nan bisa ga iyalansu, Yezeyel, da Guni,

⁴⁹da Yezer, da Shallum.

⁵⁰Waɗannan su ne iyalan kabilar Naftali. Yawansu ya kai mutum dubu arba'in da biyar da ɗari huɗu (45,400).

⁵¹Jimillar Isra'ilawa maza waɗanda aka ƙidaya, dubu ɗari shida da dubu ɗaya da ɗari bakwai da talatin (601,730).

⁵²Sai Ubangiji ya ce wa Musa,

⁵³“A raba wa waɗannan mutane gādon ƙasar bisa ga yawan kowace kabila.

⁵⁴Za ka ba babbar kabila babban rabo, ka ba ƙaramar kabila ƙaramin rabo. Kowace kabila za a ba ta gādo bisa ga yawanta.

⁵⁵Amma za a rarraba musu gādon ƙasar kabila kabila ta hanyar kuri'a.

⁵⁶Za a rarraba gādo tsakanin manya da ƙananan kabilai ta hanyar kuri'a.”

⁵⁷Waɗannan su ne Lawiyawan da aka ƙidaya bisa ga iyalansu, Gershon, da Kohat, da Merari.

⁵⁸Sauran iyalin Lawiyawa daga zuriyar Libni ne, da Hebron, da Mali, da Mushi, da Kora. Kohat shi ne mahaifin Amram,

⁵⁹wanda ya auri Yokabed 'yar Lawi wadda aka haifa masa a Masar. Yokabed ta haifa wa Amram, Haruna, da Musa, da Maryamu, 'yar'uwarsu.

⁶⁰Haruna yana da 'ya'ya huɗu maza, Nadab, da Abihu, da Ele'azara, da Itamar.

⁶¹Amma Nadab da Abihu sun mutu saboda sun miƙa hadaya da haramtacciyar wuta a gaban Ubangiji.

⁶²Mazan da aka ƙidaya daga mai wata guda zuwa gaba sun kai dubu ashirin da dubu uku (23,000). Ba a haɗa jimillarsu tare da ta sauran Isra'ilawa ba, da yake ba a ba su gādo tare da su ba.

⁶³Waɗannan su ne Isra'ilawa waɗanda Musa da Ele'azara, firist, suka ƙidaya a filayen Mowab wajen Kogin Urdun daura da Yariko.

⁶⁴Amma a cikin waɗannan da aka ƙidaya, ba wanda ya ragu daga Isra'ilawa waɗanda Musa da Haruna, firist, suka ƙidaya a jejin Sinai.

⁶⁵Gama Ubangiji ya riga ya yi magana a kansu, cewa lalle za su mutu a jeji. Ba wani mutumin da ya ragu daga cikinsu, sai dai Kalibu ɗan Yefunne, da Joshuwa ɗan Nun.