Read gungbe Osọha lẹ 33 Bible Online

Osọha lẹ 33 - gungbe bible

Osọha lẹ 33

¹Waɗannan su ne wuraren da Isra'ilawa suka yi zango sa'ad da suka fita runduna runduna daga ƙasar Masar ta hannun Musa da Haruna.

²Bisa ga faɗar Ubangiji, Musa ya rubuta wuraren tashinsu da wuraren saukarsu. Wuraren saukarsu da na tashinsu ke nan.

³Sun tashi daga Ramases a rana ta goma sha biyar ga watan fari. A kashegarin Idin Ƙetarewa ne suka fita gabagaɗi a gaban dukan Masarawa.

⁴Masarawa suna ta binne gawawwakin 'ya'yan farinsu da Ubangiji ya karkashe musu. Banda 'ya'yan farinsu kuma Ubangiji ya hukunta wa allolinsu.

⁵Isra'ilawa kuwa suka tashi daga Ramases suka sauka a Sukkot.

⁶Suka tashi daga Sukkot suka sauka a Etam wadda take a gefen jejin.

⁷Da suka tashi daga Etam, sai suka juya zuwa Fi-hahirot wadda take gaban Ba'al-zefon suka sauka a gaban Migdol.

⁸Da suka tashi daga gaban Fi-hahirot sai suka haye teku zuwa cikin jejin. Suka yi tafiya kwana uku a jejin Etam, suka sauka a Mara.

⁹Suka tashi daga Mara suka zo Elim inda akwai maɓuɓɓugan ruwa guda goma sha biyu da itacen dabino guda saba'in. Sai suka sauka a can.

¹⁰Suka tashi daga Elim, suka sauka a gefen Bahar Maliya.

¹¹Da suka tashi daga Bahar Maliya suka sauka a jejin Sin.

¹²Suka tashi daga jejin Sin, suka sauka a Dofka.

¹³Daga Dofka suka tafi Alush.

¹⁴Suka tashi daga Alush suka sauka a Refidim inda mutane suka rasa ruwan sha.

¹⁵Suka tashi daga Refidim suka sauka a jejin Sinai.

¹⁶Da suka tashi daga jejin Sinai, sai suka sauka a Kibrot-hata'awa.

¹⁷Suka tashi daga Kibrot-hata'awa suka sauka a Hazerot.

¹⁸Da suka tashi daga Hazerot, sai suka sauka a Ritma.

¹⁹Suka tashi daga Ritma suka sauka a Rimmon-farez.

²⁰Suka tashi daga Rimmon-farez, suka sauka a Libna.

²¹Da suka tashi daga Libna, sai suka sauka a Rissa.

²²Da suka tashi daga Rissa, suka sauka a Kehelata.

²³Suka tashi daga Kehelata suka sauka a Dutsen Shifer.

²⁴Suka tashi daga Dutsen Shifer suka sauka a Harada.

²⁵Da suka tashi daga Harada, suka sauka a Makelot.

²⁶Suka tashi daga Makelot suka sauka a Tahat.

²⁷Suka tashi daga Tahat suka sauka a Tara.

²⁸Suka kama hanya daga Tara suka sauka a Mitka.

²⁹Suka kuma kama hanya daga Mitka suka sauka a Hashmona.

³⁰Daga Hashmona suka sauka a Moserot.

³¹Da suka tashi daga Moserot suka sauka a Bene-ya'akan.

³²Suka tashi daga Bene-ya'akan suka sauka a Hor-hagidgad.

³³Da suka tashi daga Hor-hagidgad suka sauka a Yotbata.

³⁴Suka kama hanya daga Yotbata suka sauka a Abrona.

³⁵Da suka tashi daga Abrona, sai suka sauka a Eziyon-geber.

³⁶Suka tashi daga Eziyon-geber suka sauka a jejin Zin, wato Kadesh.

³⁷Da suka kama hanya daga Kadesh suka sauka a Dutsen Hor a kan iyakar ƙasar Edom.

³⁸Bisa ga umarnin Ubangiji, Haruna firist ya hau Dutsen Hor inda ya rasu a rana ta fari ga watan biyar a shekara ta arba'in ta fitowar jama'ar Isra'ila daga ƙasar Masar.

³⁹Haruna yana da shekara ɗari da ashirin da uku sa'ad da ya rasu a Dutsen Hor.

⁴⁰Sai Sarkin Arad, Bakan'ane wanda yake zaune a Negeb, a ƙasar Kan'ana, ya ji zuwan Isra'ilawa.

⁴¹Isra'ilawa kuma suka tashi daga Dutsen Hor, suka sauka a Zalmona.

⁴²Daga Zalamona suka sauka a Funon.

⁴³Da suka tashi daga Funon, sai suka sauka a Obot.

⁴⁴Suka kuma kama hanya daga Obot suka sauka a Abarim a karkarar Mowab.

⁴⁵Suka tashi daga nan suka sauka a Dibon-gad.

⁴⁶Suka tashi daga Dibon-gad suka sauka a Almon-diblatayim.

⁴⁷Da suka tashi daga Almon-diblatayim, suka sauka a duwatsun Abarim a gaban Nebo.

⁴⁸Daga duwatsun Abarim suka sauka a filayen Mowab kusa da Urdun daura da Yariko.

⁴⁹Suka sauka kusa da Urdun, suka kakkafa alfarwansu tun daga Betyeshimot har zuwa Abel-shittim, a filayen Mowab.

⁵⁰Sai Ubangiji ya yi magana da Musa a filayen Mowab kusa da Urdun, daura da Yariko, ya ce

⁵¹ya faɗa wa jama'ar Isra'ila, “Sa'ad da kuka haye Urdun zuwa ƙasar Kan'ana,

⁵²sai ku kori dukan mazaunan ƙasar daga gabanku ku rurrushe sassaƙaƙƙun duwatsunsu, da siffofinsu na zubi, da masujadansu.

⁵³Sa'an nan ku mallaki ƙasar, ku zauna a ciki,gama na ba ku ƙasar, ku mallake ta.

⁵⁴Za ku rarraba wa kanku gādon ƙasar kabila kabila ta hanyar jefar kuri'a. Za ku ba babbar kabila babban rabo, ƙaramar kabila kuwa ku ba ta ƙaramin rabo. Inda duk kuri'a ta fāɗa wa mutum, nan ne zai zama wurinsa. Bisa ga kabilan kakanninku za ku gāji ƙasar.

⁵⁵Amma idan ba ku kori mazaunan ƙasar daga gabanku ba, to, waɗannan da kuka bari cikinta za su zama haki a idanunku, da ƙayayuwa a kwiyaɓunku. Za su yi ta wahalshe ku da yaƙi.

⁵⁶Idan ba ku kore su ba, zan lalatar daku kamar yadda na shirya lalatar da su.”