Read hausa FARAWA 10 Bible Online

FARAWA 10 - hausa bible

FARAWA 10

¹Waɗannan su ne zuriyar 'ya'yan Nuhu, da Shem, da Ham, da Yafet. Bayan Ruwan Tsufana sai aka haifa musu 'ya'ya.

²'Ya'yan Yafet ke nan, da Gomer, da Magog, da Madai, da Yawan, da Tubal, da Meshek, da Tiras.

³'Ya'yan Gomer kuma Ashkenaz, da Rifat, da Togarma.

⁴'Ya'yan Yawan kuma Elisha, da Tarshish, da Kittim, da Rodanim.

⁵Daga waɗannan ne mazauna a bakin gāɓa suka yaɗu bisa ga ƙasashensu, kowanne da harshensa, bisa ga iyalansu da kabilansu.

⁶'Ya'yan Ham su ne Kush, da Mizrayim, da Fut, da Kan'ana.

⁷'Ya'yan Kush kuma Seba, da Hawila, da Sabta, da Ra'ama, da Sabteka. 'Ya'yan Ra'ama kuwa Sheba da Dedan.

⁸Kush ya haifi Lamirudu, shi ne mutumin da ya fara ƙasaita cikin duniya.

⁹Shi riƙaƙƙen maharbi ne a gaban Ubangiji, domin haka akan ce, “Shi kamar Lamirudu ne riƙaƙƙen maharbi ne a gaban Ubangiji.”

¹⁰Farkon inda ya kafa mulkinsa a Babila, da Erek, da Akkad, da Kalne ne, dukansu a ƙasar Shinar suke.

¹¹Daga wannan ƙasa ya tafi Assuriya ya gina Nineba da Rehobot-ir, da Kala,

¹²da Resen wadda take tsakanin Nineba da Kala, wato babban birni.

¹³Mizrayim shi ne mahaifin Ludawa, da Anamawa, da Lehabawa, da Neftuhawa,

¹⁴da Fatrusawa, da Kasluhawa (inda Filistiyawa suka fito) da kuma Kaftorawa.

¹⁵Kan'ana ya haifi Sidon ɗan farinsa, da Het,

¹⁶shi ne kuma mahaifin Yebusiyawa, da Amoriyawa, da Girgashiyawa,

¹⁷da Hiwiyawa, da Arkiyawa, da Siniyawa,

¹⁸da Arwadiyawa, da Zemarawa da Hamatiyawa. Bayan haka sai kabilan Kan'aniyawa suka yaɗu.

¹⁹Yankin ƙasar Kan'aniyawa kuwa ya milla tun daga Sidon, har zuwa wajen Gerar, har zuwa Gaza, zuwa wajen Saduma, da Gwamrata, da Adma, da Zeboyim, har zuwa Lasha.

²⁰Waɗannan su ne 'ya'yan Ham, bisa ga iyalansu, da harsunansu da ƙasashensu, da kabilansu.

²¹An kuma haifa wa Shem, wan Yafet, 'ya'ya, shi ne kakan 'ya'yan Eber duka.

²²'Ya'yan Shem su ne Elam, da Asshur, da Arfakshad, da Lud, da Aram.

²³'Ya'yan Aram kuma Uz, da Hul, da Geter, da Meshek.

²⁴Arfakshad ya haifi Shela, Shela ya haifi Eber.

²⁵An haifa wa Eber 'ya'ya biyu, sunan ɗayan Feleg, gama a zamaninsa aka raba ƙasa, sunan ɗan'uwansa kuwa Yokatan.

²⁶Yokatan ya haifi Almoda, da Shelef, da Hazarmawet, da Yera,

²⁷da Adoniram, da Uzal, da Dikla,

²⁸da Ebal, da Abimayel, da Sheba,

²⁹da Ofir, da Hawila da Yobab, dukan waɗannan 'ya'yan Yokatan ne.

³⁰Yankin ƙasar da suka zauna shi ne ya milla tun daga Mesha, har zuwa wajen Sefar, ƙasar tudu ta gabas.

³¹Waɗannan su ne 'ya'yan Shem bisa ga iyalansu, da harsunansu, da ƙasashensu, da kabilansu.

³²Waɗannan duka su ne zuriyar Nuhu, bisa ga lissafin asalinsu, bisa ga kabilansu. Daga waɗannan ne al'ummai suka yaɗu bisa duniya bayan Ruwan Tsufana.