Read hausa 1 TARIHI 2 Bible Online

1 TARIHI 2 - hausa bible

1 TARIHI 2

¹Waɗannan su ne 'ya'yan Isra'ila, maza, Ra'ubainu, da Saminu, da Lawi, da Yahuza, da Issaka, da Zabaluna,

²da Dan, da Yusufu, da Biliyaminu, da Naftali, da Gad, da Ashiru.

³'Ya'yan Yahuza, maza, su ne Er, da Onan, da Shela. Waɗannan uku Batshuwa Bakan'aniya, ita ce ta haifa masa su. Amma Er, ɗan farin Yahuza, mugu ne a gaban Ubangiji, don haka Ubangiji ya kashe shi.

⁴Surukarsa Tamar, matar ɗansa kuma ta haifa masa Feresa da Zera. Yahuza yana da 'ya'ya maza biyar.

⁵'Ya'yan Feresa, maza kuwa, su ne Hesruna da Hamul.

⁶'Ya'yan Zera, maza, su ne Zabdi da Etan, da Heman, da Kalkol, da Darda. Su biyar ke nan.

⁷Karmi shi ne mahaifin Akan wanda ya jawo wa Isra'ila wahala a kan abin da aka haramta.

⁸Etan yana da ɗa guda ɗaya, shi ne Azariya.

⁹'Ya'yan Hesruna, maza, waɗanda aka haifa masa, su ne Yerameyel, da Arama, da kuma Kalibu.

¹⁰Arama shi ne mahaifin Amminadab. Amminadab kuma shi ne mahaifin Nashon, shugaban 'ya'yan Yahuza.

¹¹Nashon shi ne mahaifin Salmon. Salmon kuwa shi ne mahaifin Bo'aza.

¹²Bo'aza kuma shi ne mahaifin Obida. Obida shi ne mahaifin Yesse.

¹³Yesse shi ne mahaifin Eliyab ɗan farinsa, sa'an nan sai Abinadab da Shimeya,

¹⁴da Netanel, da Raddai,

¹⁵da Ozem, da Dawuda. Su 'ya'ya maza bakwai ke nan.

¹⁶'Yan'uwansu mata kuwa su ne Zeruya da Abigail. 'Ya'yan Zeruya, maza, su ne Abishai, da Yowab, da Asahel, su uku ke nan.

¹⁷Abigail ta haifi Amasa. Mahaifin Amasa shi ne Yeter daga zuriyar Isma'ilu.

¹⁸Azuba, matar Kalibu ɗan Hesruna ta haifa masa 'ya'ya maza. Matarsa Yeriyot kuma ta haifi 'ya'ya maza, su ne Yesher, da Shobab, da Ardon.

¹⁹Sa'ad da Azuba ta rasu sai Kalibu ya auri Efrata wadda ta haifa masa Hur.

²⁰Hur shi ne mahaifin Uri, Uri kuwa shi ne mahaifin Bezalel.

²¹Bayan haka sai Hesruna ya shiga wurin 'yar Makir mahaifin Gileyad, wadda ya aura sa'ad da yake da shekara sittin da haihuwa. Ta haifa masa Segub.

²²Segub shi ne mahaifin Yayir wanda yake da birane ashirin da uku a ƙasar Gileyad.

²³Amma sai Geshur da Aram suka ƙwace garuruwan Hawwotyayir ɗin daga gare su, har da Kenat da ƙauyukanta, garuruwa sittin. Duk waɗannan su ne zuriyar Makir mahaifin Gileyad.

²⁴Bayan rasuwar Hesruna, Abaija, matarsa, ta haifa masa Ashur, mahaifin Tekowa.

²⁵'Ya'yan Yerameyel ɗan farin Hesruna, su ne Arama ɗan fari, sa'an nan Buna, da Oren, da Ozem, da Ahaija.

²⁶Sai Yerameyel ya auro wata mace, sunanta Atara. Ita ce mahaifiyar Onam.

²⁷'Ya'yan Arama, ɗan farin Yerameyel, su ne Ma'az, da Yamin, da Eker.

²⁸'Ya'yan Onam, maza, su ne Shammai da Yada. 'Ya'yan Shammai, maza, su ne Nadab da Abishur.

²⁹Sunan matar Abishur Abihail, ta haifa masa Aban da Molid.

³⁰'Ya'yan Nadab, maza, su ne Seled da Affayim, amma Seled ya rasu bai bar 'ya'ya ba.

³¹Ɗan Affayim shi ne Ishi. Ɗan Ishi kuwa shi ne Sheshan. Ɗan Sheshan shi ne Alai.

³²'Ya'yan Yada, maza, ɗan'uwan Shammai, su ne Yeter da Jonatan. Amma Yeter ya rasu bai bar 'ya'ya ba.

³³'Ya'yan Jonatan su ne Felet da Zaza. Waɗannan su ne zuriyar Yerameyel.

³⁴Sheshan ba shi da 'ya'ya maza, sai dai 'ya'ya mata. Amma yana da wani bara Bamasare mai suna Yarha.

³⁵Sai Sheshan ya aurar wa Yarha baransa da 'yarsa, ita kuwa ta haifar masa Attai.

³⁶Attai shi ne mahaifin Natan, Natan kuma shi ne mahaifin Zabad.

³⁷Zabad kuwa shi ne mahaifin Eflal, Eflal shi ne ya haifi Obida.

³⁸Obida shi ne mahaifin Yehu, Yehu kuma shi ne mahaifin Azariya.

³⁹Azariya shi ne mahaifin Helez, Helez shi ne mahaifin Eleyasa.

⁴⁰Eleyasa shi ne mahaifin Sisamai, Sisamai shi ne mahaifin Shallum.

⁴¹Shallum shi ne mahaifin Yekamiya, Yekamiya shi ne mahaifin Elishama.

⁴²Ɗan Kalibu, ɗan'uwan Yerameyel, shi ne Mesha ɗan farinsa wanda ya haifi Zif. Zif ya haifi Maresha wanda ya haifi Hebron.

⁴³'Ya'yan Hebron, maza, su ne Kora, da Taffuwa, da Rekem, da Shema.

⁴⁴Shema shi ne mahaifin Raham wanda ya kafa Yorkeyam. Rekem kuwa shi ne mahaifin Shammai.

⁴⁵Shammai shi ne mahaifin Mayon, Mayon kuwa shi ne mahaifin Bet-zur.

⁴⁶Efra ƙwarƙwarar Kalibu, ta haifi Haran, da Moza, da Gazez. Haran shi ne mahaifin Gazez.

⁴⁷'Ya'yan Yadai, maza, su ne Regem, da Yotam, da Geshan, da Felet, da Efa, da Sha'af.

⁴⁸Ma'aka, ƙwarƙwarar Kalibu, ta haifi Sheber da Tirhana.

⁴⁹Ta kuma haifi Sha'af mahaifin Madmanna, da Shewa mahaifin Makbena, da mahaifin Gibeya. 'Yar Kalibu ita ce Aksa.

⁵⁰Waɗannan su ne zuriyar Kalibu, maza. 'Ya'yan Hur, maza, wato ɗan farin Efrata, su ne Shobal wanda ya kafa Kiriyat-yeyarim,

⁵¹da Salma, shi kuwa ya kafa Baitalami, da Haref ɗansa kuma wanda ya kafa Bet-gader.

⁵²Shobal yana da waɗansu 'ya'ya maza, su ne Rewaiya da wanda yake kakan rabin Manahatiyawa,

⁵³da iyalan da suke a Kiriyat-yeyarim, da na Itiriyawa, da na Futiyawa, da na Shumatiyawa, da na Mishraiyawa. Daga waɗannan ne Zoratiyawa da Eshtawoliyawa suka fito.

⁵⁴Salma, wanda ya kafa Baitalami, shi ne kakan mutanen Netofa, da na Atarot-bet-yowab, da rabin Manahatiyawa, da Zoratiyawa.

⁵⁵Iyalan gwanayen rubutu waɗanda suka zauna a Yabez, su ne Tiratiyawa, da Shimeyatiyawa, da Sukatiyawa. Su ne Keniyawa na Hammat, Hammat kuwa shi ne mahaifin mutanen Rekab.