Read hausa ZABURA 112 Bible Online

ZABURA 112 - hausa bible

ZABURA 112

¹Yabo ya tabbata ga Ubangiji! Mai farin ciki ne mutumin da yake tsoron Ubangiji, Mai farin ciki ne shi wanda yake jin daɗin yin biyayya da umarnansa.

²'Ya'yansa za su zama manyan ƙasar, Zuriyar mutumin kirki za ta yi albarka.

³Iyalinsa za su zama attajirai masu dukiya, Adalcinsa zai tabbata har abada.

⁴Haske yakan haskaka wa mutanen kirki a cikin duhu, Da waɗanda suke yin alheri, da jinƙai, da gaskiya.

⁵Mai farin ciki ne mutumin da yakan ba da rance hannu sake, Wato wanda yake yin harkarsa da gaskiya.

⁶Mutumin kirki ba zai kāsa ba daɗai, Ba za a taɓa mantawa da shi ba.

⁷Ba ya tsoron jin mugun labari, Bangaskiyarsa tana da ƙarfi, Ga Ubangiji yake dogara.

⁸Ba shi da damuwa ko tsoro, Ya tabbata zai ga faɗuwar maƙiyansa.

⁹Yakan bayar ga matalauta hannu sake, Alherinsa kuwa dawwamamme ne. Zai zama mai iko wanda ake girmamawa.

¹⁰Sa'ad da mugaye suka ga wannan, Sai suka tunzura, suka harare shi da fushi, suka ɓace, Sa zuciyarsu ta ƙare har abada.