Read hausa ZABURA 113 Bible Online

ZABURA 113 - hausa bible

ZABURA 113

¹Yabo Ya tabbata ga Ubangiji! Ku bayin Ubangiji, Ku yabi sunansa!

²Za a yabi sunansa yanzu da har abada!

³Daga gabas zuwa yamma a yabi sunan Ubangiji!

⁴Ubangiji yake mulkin dukan sauran al'umma, Ɗaukakarsa tana bisa kan sammai.

⁵Ba wani kamar Ubangiji Allahnmu. Yana zaune a can ƙwanƙolin sama,

⁶Amma ya duba ƙasa, Ya dubi sammai da duniya.

⁷Yakan ɗaga talakawa daga ƙura, Yakan ɗaga matalauta daga cikin azabarsu.

⁸Yakan sa su zama abokan sarakuna, Sarakunan jama'arsa.

⁹Yakan girmama matar da ba ta haihuwa a gidanta, Yakan sa ta yi farin ciki ta wurin ba ta 'ya'ya. Yabo ya tabbata ga Ubangiji!