Read hausa ZABURA 122 Bible Online

ZABURA 122 - hausa bible

ZABURA 122

¹Na yi murna sa'ad da suka ce mini, “Tashi mu tafi Haikalin Ubangiji!”

²Ga shi kuwa, mun iso, Muna tsaye a ƙofofin Urushalima!

³Urushalima birni ce wadda aka maido ta yadda take dā, Da kyakkyawan tsari, a shirye!

⁴A nan kabilai sukan zo, Kabilan Isra'ila, Domin su yi godiya ga Ubangiji, Kamar yadda ya umarce su.

⁵A nan majalisu suke, Wurin da sarki yake yi wa jama'arsa shari'a.

⁶Ku yi wa Urushalima addu'ar salama! “Allah ya sa masu ƙaunarki su arzuta!

⁷Salama ta samu a garukanki, Da zaman lafiya kuma a fādodinki.”

⁸Saboda abokaina da aminaina, Na ce wa Urushalima, “Salama a gare ki!”

⁹Saboda Haikalin Ubangiji, Allahnmu, Ina addu'a domin ki arzuta.