Read hausa ZABURA 132 Bible Online

ZABURA 132 - hausa bible

ZABURA 132

¹Ya Ubangiji, kada ka manta da Dawuda Da dukan irin aikin da ya yi.

²Ka tuna, ya Ubangiji, da alkawarin da ya yi, Da rantsuwar da ya yi maka, ya Maɗaukaki, Allah na Isra'ila,

³“Ba zan tafi gida ko in kwanta ba,

⁴Ba zan huta, ko in yi barci ba,

⁵Sai sa'ad da na shirya wa Ubangiji wuri, Wato Haikali domin Maɗaukaki, Allah na Isra'ila.”

⁶Mun ji labari akwatin alkawari yana Baitalami, Amma muka same shi a kurmi.

⁷Muka ce, “Bari mu tafi Haikalin Ubangiji, Mu yi sujada a gaban kursiyinsa!”

⁸Ka zo wurin hutawarka, ya Ubangiji, Tare da akwatin alkawari, Alama ce ta ikonka.

⁹Ka suturta firistoci da adalci, Ka sa dukan jama'arka su yi sowa ta farin ciki!

¹⁰Ka yi wa bawanka Dawuda alkawari, Kada ka rabu da zaɓaɓɓen sarkinka, ya Ubangiji!

¹¹Ka yi wa Dawuda muhimmin alkawari, Ba kuwa za ka ta da alkawarin ba. Ka ce, “Za naɗa ɗaya daga cikin 'ya'yanka maza yă zama sarki, Zai yi mulki a bayanka.

¹²Idan 'ya'yanka maza za su amince da alkawarina, Da umarnan da na yi musu, 'Ya'yansu maza kuma za su bi bayanka su zama sarakuna, A dukan lokaci.”

¹³Ubangiji ya yaɓi Sihiyona, A can yake so ya gina Haikalinsa, ya ce,

¹⁴“A nan zan zauna har abada. A nan kuma nake so in yi mulki.

¹⁵Zan tanada wa Sihiyona dukan abin da take bukata a yalwace, Zan ƙosar da matalautanta da abinci.

¹⁶Zan sa firistocinta su yi shela, Cewa ina yin ceto, Jama'ata kuma za su raira waƙa, Suna sowa don farin ciki.

¹⁷A nan ne zan naɗa ɗaya daga cikin zuriyar Dawuda Yake zama babban sarki, A nan ne kuma zan wanzar da Mulkin zaɓaɓɓen sarkina.

¹⁸Zan sa maƙiyansa su sha kunya, Amma mulkinsa zai arzuta. Ya kuma kahu.”