Read hausa ZABURA 137 Bible Online

ZABURA 137 - hausa bible

ZABURA 137

¹A bakin kogunan Babila Muka zauna muka yi ta kuka, Sa'ad da muka tuna da Sihiyona.

²A rassan itatuwan wardi da suke kusa da mu Muka rataye garayunmu.

³Waɗanda suka kama mu suka sa mu mu yi waƙa, Suka ce mana, “Ku yi mana shagali Da waƙar da aka raira wa Sihiyona!”

⁴Kaƙa za mu raira waƙar Ubangiji A baƙuwar ƙasa?

⁵Da ma kada in ƙara iya kaɗa garaya, Idan na manta da ke, Urushalima!

⁶Da ma kada in ƙara iya raira waƙa, Idan na manta da ke, Idan ban tuna ke ce Babbar abar farin ciki ba!

⁷Ka tuna, ya Ubangiji, da abin da Edomawa suka yi, A ranar da aka ci Urushalima. Ka tuna da yadda suka ce, “A ragargaza ta har ƙasa!”

⁸Babila, za a hallaka ki! Mai farin ciki ne shi wanda ya sāka miki Bisa ga abin da kika yi mana.

⁹Mai farin ciki ne shi wanda zai kwashi jariranki Yă fyaɗa su a kan duwatsu!