Read hausa ZABURA 20 Bible Online

ZABURA 20 - hausa bible

ZABURA 20

¹Ubangiji ya amsa maka a ranar wahala! Allah na Yakubu ya kiyaye ka!

²Ya aiko maka da taimako daga Haikalinsa, Ya kawo maka gudunmawa daga Sihiyona.

³Ya karɓi hadayunka, Ya kuma ji daɗin dukan sadakokinka.

⁴Ya ba ka abin da kake bukata, Ya sa dukan shirye-shiryenka su yi nasara.

⁵Mu kuma, sai mu yi sowa ta farin ciki saboda ka ci nasara, Mu yi bikin cin nasara da ka yi, Da yabon Ubangiji Allahnmu. Allah ya amsa dukan roƙe-roƙenka!

⁶Yanzu dai na sani Ubangiji yakan ba da nasara ga zaɓaɓɓen sarkinsa, Yakan amsa masa daga samaniyarsa mai tsarki, Da ikonsa mai girma yakan sa shi yă yi nasara.

⁷Waɗansu ga karusan yaƙinsu suke dogara, Waɗansu kuwa ga dawakansu, Amma mu, ga ikon Ubangiji Allahnmu muke dogara!

⁸Za su yi tuntuɓe su fāɗi, Amma mu za mu tashi mu tsaya daram!

⁹Ka ba sarki nasara, ya Ubangiji, Ubangiji zai amsa mana sa'ad da muka yi kira.