Read hausa ZABURA 54 Bible Online

ZABURA 54 - hausa bible

ZABURA 54

¹Ka cece ni ta wurin ikonka, ya Allah, Ka cece ni ta wurin ƙarfinka!

²Ka ji addu'ata, ya Allah, Ka saurari kalmomina!

³Masu girmankai sun tasar mini, Mugaye suna nema su kashe ni, Mutanen da ba su kula da Allah ba.

⁴Na sani Allah ne mai taimakona, Na sani Ubangiji shi ne mai tsarona!

⁵Ubangiji ya hukunta wa maƙiyana da irin muguntarsu! Gama zai hallaka su saboda shi mai aminci ne.

⁶Da murna zan miƙa maka hadaya, Zan yi maka godiya, ya Ubangiji, Domin kai mai alheri ne.

⁷Ka cece ni daga dukan wahalaina, Na kuwa ga an kori maƙiyana.