Read hausa ZABURA 61 Bible Online

ZABURA 61 - hausa bible

ZABURA 61

¹Ya Allah, ka ji kukana, Ka ji addu'ata!

²Sa'ad da nake nesa da gida, zuciyata ta karai, Zan yi kira gare ka! Ka kai ni lafiyayyiyar mafaka.

³Kai ne kāriyata mai ƙarfi Da take kiyaye ni daga maƙiyana.

⁴Ka yarda in zauna a alfarwarka dukan kwanakin raina, Ka yarda in sami zaman lafiya a ƙarƙashin fikafikanka.

⁵Ya Allah, kā ji alkawaraina, Kā kuwa ba ni abin da ya dace, Tare da waɗanda suke ɗaukaka ka.

⁶Ka ƙara wa sarki tsawon rai, Ka sa ya rayu dukan lokaci!

⁷Ka sa ya yi mulki har abada a gabanka, ya Allah, Ka tsare shi da madawwamiyar ƙaunarka, da amincinka.

⁸Don haka zan yi ta raira waƙar yabonka kullayaumin, A sa'ad da nake miƙa maka abin da na alkawarta.