Read hausa ZABURA 87 Bible Online

ZABURA 87 - hausa bible

ZABURA 87

¹Allah ya gina birninsa a bisa tsarkakan tuddai,

²Yana ƙaunar birnin Urushalima fiye da kowane wuri a Isra'ila.

³Ya birnin Allah, ka kasa kunne, Ga abubuwan banmamaki da ya faɗa a kanka.

⁴“Sa'ad da na lasafta sauran al'umma da suke yi mini biyayya, Zan sa Masar da Babila a cikinsu, Zan ce da Filistiya, da Taya, da Habasha, Su ma na Urushalima ne.”

⁵A kan Sihiyona kuwa za a ce, “Dukan sauran al'umma nata ne.” Maɗaukaki kuwa zai ƙarfafa ta.

⁶Ubangiji zai rubuta lissafin jama'o'i, Ya sa su duka cikin jimilla ta Urushalima.

⁷Duk mazauna a wurin za su raira waƙa, su yi rawa, Su ce, “Dukan maɓuɓɓugaina suna cikinka.”