Read hausa JOSHUWA 12 Bible Online

JOSHUWA 12 - hausa bible

JOSHUWA 12

¹Waɗannan su ne sarakunan ƙasar, waɗanda Isra'ilawa suka cinye da yaƙi, suka mallaki ƙasarsu a hayin Kogin Urdun daga yamma, tun daga kwarin Arnon har zuwa Dutsen Harmon da dukan Araba a wajen gabas,

²Sihon, Sarkin Amoriyawa wanda yake zaune a Heshbon, wanda yake mulki tun daga Arower wadda take iyakar kwarin Arnon, daga tsakiyar kwarin har zuwa Kogin Yabbok a iyakar Ammonawa,

³daga kuma Araba zuwa gabashin Tekun Kinneret da zuwa Tekun Araga, wato Tekun Gishiri, a wajen gabas ta hanyar Ber-yeshimot, da wajen kudu zuwa gangaren gindin Dutsen Fisga,

⁴da kuma Og, Sarkin Bashan, ɗaya daga cikin sauran Refayawa, wato gwarzayen nan waɗanda suka zauna a Ashtarot da Edirai.

⁵Ya mallaki Dutsen Harmon, da Salka, da dukan Bashan, har zuwa iyakar Geshuriyawa, da Ma'akatiyawa, da rabin Gileyad, zuwa kan iyakar ƙasar Sihon, Sarkin Heshbon.

⁶Sai Musa, bawan Ubangiji, da Isra'ilawa suka ci sarakunan nan da yaƙi, sa'an nan ya ba da ƙasarsu ga Ra'ubainawa, da Gadawa, da rabin kabilar Manassa.

⁷Waɗannan su ne sarakunan ƙasar, waɗanda Joshuwa da Isra'ilawa suka ci da yaƙi a yammacin Kogin Urdun tun daga Ba'al-gad a kwarin Lebanon zuwa Dutsen Halak wanda ya miƙa zuwa Seyir. Joshuwa ya ba Isra'ilawa ƙasar gādo bisa ga yadda aka karkasa musu,

⁸da ƙasar tuddai, da filayen kwaruruka, da kwarin Araba, da gangaren tuddai, da jejin, da Negeb, wato su Hittiyawa, da Amoriyawa, da Kan'aniyawa, da Ferizziyawa, da Hiwiyawa, da Yebusiyawa.

⁹Sunayen sarakunan su ne, Sarkin Yariko, da Sarkin Ai, da yake kusa da Betel,

¹⁰da Sarkin Urushalima, da Sarkin Hebron,

¹¹da Sarkin Yarmut, da Sarkin Lakish,

¹²da Sarkin Eglon, da Sarkin Gezer,

¹³da Sarkin Debir, da Sarkin Geder,

¹⁴da Sarkin Horma, da Sarkin Arad,

¹⁵da Sarkin Libna, da Sarkin Adullam,

¹⁶da Sarkin Makkeda, da Sarkin Betel,

¹⁷da Sarkin Taffuwa, da Sarkin Hefer,

¹⁸da Sarkin Afek, da Sarkin Lasharon,

¹⁹da Sarkin Madon, da Sarkin Hazor,

²⁰da Sarkin Shimron-meron, da Sarkin Akshaf,

²¹da Sarkin Ta'anak, da Sarkin Magiddo,

²²da Sarkin Kedesh, da Sarkin Yakneyam a Karmel,

²³da Sarkin Dor a bakin teku, da Sarkin Goyim na Gilgal,

²⁴da Sarkin Tirza. Sarakuna talatin da ɗaya ke nan.